Birinshisi – Qasym-Jomart Toqaev búginde eldiń bárin alańdatyp otyrǵan ótkir taqyryptardan qashqaqtamaıdy. Áleýmettik jelide, messendjerlerde, asúılerde talqylanyp júrgen suraqtardyń bárine jaýap berildi.
Ekinshisi – Prezıdentti áleýmettik jelide synaýshylar ne aıtsa da, ol beıbit sherýshiler men terrorısterdiń, maroderlerdiń aıyrmashylyǵyn jaqsy bilip otyr. Quqyq qorǵaý organdarynyń zańǵa qaıshy tásilderdi paıdalaný máselesin de jaqsy túsinip otyr. Meniń oıymsha, bul taqyrypqa maı quıýdy toqtatyp, tergeý qorytyndylaryn kútetin kez keldi.
Úshinshisi – reformalar bolady. Suhbattyń eń basty messedji osy dep oılaımyn. Jýrnalıst suhbatty qaıta-qaıta qańtar taqyrybyna burýǵa tyrysqanyna qaramastan, Prezıdent keleshektegi reformalar, qańtar oqıǵasynyń sabaǵy týraly áńgimege oıysyp otyrdy.
Onyń paıymynsha, tek qańtar oqıǵasynan ǵana emes, jalpy keıingi 30 jyldan úlken sabaq alýymyz kerek.
Eń bastysy – Prezıdent radıkaldy, jyldam sheshimderdi jaqtamaıdy. Kúrdeli suraqtarǵa ońaı jaýap berip qutylýǵa qarsy. Odan revolıýsııa «ánindegideı» «áýeli ózegin qurtaıyq, sodan keıin kórermiz» degenge saıatyn áreketter kútýdiń, talap etýdiń tipten qajeti joq. Bálkim bireýlerge ol ásire saq kórinýi múmkin. Biraq ony aqylmen áreket etip jatqan joq dep eshkim jazǵyra almaıdy. Búginge deıin ol syrttaǵy da, ishtegi de kúshterdiń arasynda teńgerim saqtaı otyryp, saraptalǵan saıasat ustanyp keledi. Qazir Qazaqstanǵa keregi de osy. Aqyry nemen tynatyny belgisiz azamattyq qaqtyǵystarǵa jol berýge bolmaıdy.
Erkin ÁBIL,
tarıh ǵylymdarynyń doktory, Memleket tarıhy ınstıtýtynyń dırektory
