Balyqtarǵa tónip turǵan jappaı qyrylyp qalý qaýpiniń aldyn alý úshin «Tobyl-Torǵaı oblysaralyq balyq sharýashylyǵynyń qyzmetkerleri men jitiqaralyq kenshiler aýdandaǵy ózen-sýlarǵa aerasııa jumystaryn júrgizdi.
Jalpy, jergilikti Komarov taý-ken kásipornynda ekologııalyq konkýrstar jıi ótip turatynyn aıta ketý kerek. Kompanııa óńirdegi bıoalýantúrlilikti saqtaý maqsatyndaǵy is-sharalarǵa da atsalysyp keledi. Kásiporyn jumysshylary bul joly Shortandy ózenindegi balyqtarǵa aýa jiberdi. Igi bastamany taý-ken kásipornyna qarasty ekonomıkalyq-josparlaý bóliminiń mamany Petr Lıfanov kóteripti.
– О́zim de áýesqoı balyqshymyn. Qysta sý astyndaǵy otteginiń azaıýy asa qaýipti jaǵdaı. Sondyqtan bul joǵary jaýapkershilikti qajet etetin asa mańyzdy másele. Aerasııa júrgizý týraly oıymyzdy basshylarǵa jetkizip edik, ol kisiler de qoldaı ketti, – dedi P.Lıfanov.
Shortandydaǵy ıgi sharaǵa qatysqan kenshiler, kólik júrgizýshiler men ekologter ózen muzyn burǵylap, qamystan baý baılap, ony oıyqqa malyp qoıdy. Bul sý astyna aýa jiberýdiń ejelgi tásili eken. Munyń syrtynda, dızeldi kompressordyń kómegimen mehanıkalyq aerasııa jasaldy.
Kenshiler mundaı sharany aldaǵy ýaqytta B.Maılın aýdanynda da jalǵastyrýdy josparlap otyr.
Qostanaı oblysy
