TÚRKSOI júldegerleri

Anadoly jerinde Túrkııa Jýrnalıster qoǵamy jáne Eskishahar 2013 Túrki álemi mádenıet astanasy agenttiginiń uıytqy bolýymen tilshilerdiń forýmy ótti. Jýrnalıster forý­myna 31 elden 370 jýrnalıst qatysty. Forýmnyń alǵashqy kúni TÚRKSOI uıymy uıym­dastyrǵan «2014 Túrki álemi Mádenıet astanasy Qazan» kórmesi ashyldy. Fotosýret kórmesinde Halyqaralyq túrki mádenıet uıymynyń Qazan qalasynyń sulýlyqtaryn pash etetin týyndylary oryn aldy. Eskishahardaǵy Anadoly ýnıversıtetinde túrik jýrna­lıs­terin marapattaý rásimi ótti. Túrki áleminiń mádenı asta­nasy sanalǵan Eskishahar óz laýazymyn Qazan qalasyna tabystady. Saltanatty jabylý rásiminde TÚRKSOI uıymy túrki mádenıeti men rýhanı qun­dylyqtaryn nasıhattaǵan baspasóz ókilderin marapattady. Halyqaralyq Túrki mádenıeti uıymy – TÚRKSOI bas hatshysy Dúısen Qaseıinov baspasóz júldelerin taǵaıyndaýda túrki áleminiń ortaq murasy Oǵyz qaǵan­nan negiz alǵanyn, atalǵan syılyqtyń túrki álemine shyn mánisinde ter tógetin árip­testerge buıyratynyn aıtty. Jıyn barysynda TÚRKSOI bas hatshysy túrki álemin tanystyrýǵa atsalysqan baspasóz ókilderine óz alǵysyn bildirdi. Bıylǵy jyldyń úzdikteri qatarynda qazaqstandyq táýelsiz jýrnalıst Natalıa Zadereskaıa, Qazaqstan Pen klýby tóraǵa­sy Bıgeldi Ǵabdýllın men halyqaralyq «Túrkistan» gazeti­niń bas redaktory Shámshıdın Patteev te bar. «Bul túbi bir túrkiniń birligin nyǵaıtýǵa qosqan úlesimiz jáne TÚRKSOI tarapynan usynylǵan búgingi syılyq gazetimizdiń talaı jylǵy eńbeginiń jemisi dep oılaımyn. KSRO quramynda bolǵan ortalyqazııalyq mem­leketterdiń kópshiligi aqparatty Reseıdegi buqaralyq aqparat quraldarynan alady. Menińshe, túrki elderine ortaq aqparat kózderi bolýy tıis. Túrkitildes elderdiń ishinde eń damyǵany Túrkııa bolǵandyqtan, túrkııa­lyq BAQ-ty barynsha keń aýqymda paıdalanyp, túrki memleketteriniń bir-birine jaqyn­dasýyna septigin tıgizýge jumyldyrý qajet. О́kinishke qaraı, TÚRKSOI uıymy tek mádenı máselelermen ǵana shek­teledi. Al túrkige ortaq aqpa­ra­ttyq keńistikte maman daıarlaýdy da qolǵa alý kerek. Memleketteriniń bir-birine jaqyndasýyna jýrnalıster qosatyn úles zor dep oılaımyn», – dedi «Túrkistan» gazetiniń bas redaktory Sh.Patteev. Jıyrma jyldyq tarıhy bar TÚRKSOI túrki elderinen kelgen jıyrma jýrnalısti mereıtoı qurmetine oraı marapattady. Jıyrma jýrnalıstiń qataryna enip otyrǵan «Túrkistan» gazeti­niń de aqparat keńistiginde jel­kenin kergenine bıyl týra – 20 jyl. Gúlzına BEKTAS.