Reformalaý aıasynda QDB elimiz úshin strategııalyq jáne ekonomıkalyq mańyzy bar, ótelý merzimi uzaq aýqymdy ári kapıtaldy kóp qajet etetin ınvestısııalyq jobalardy, sondaı-aq ındýstrııalyq óndiristerdi qarjylandyrýǵa kóbirek baǵdarlanady dep josparlanyp otyr.
«QDB jańa óndiris oryndaryn qurý jobalaryn qarjylandyrýǵa mańyz berýi tıis. Qyzmettiń ashyqtyǵyn arttyrý, bıznes-prosesterdi ońtaılandyrý men sıfrlandyrý jáne Bank qyzmetteriniń qoljetimdiligin keńeıtý jónindegi jumystardy odan ári jalǵastyrý qajet», dep atap ótti QR Premer-Mınıstri Á. Smaıylov.
