Sheteldikpen azamattyq-quqyqtyq qatynastar jasasý kezinde onyń el aýmaǵynda zańdy júrgenine kóz jetkizip, pasportyn jáne bizdiń elde bolýǵa quqyq beretin qujatty kórsetýin talap etý qajet. Ol qujattar retinde elde belgilengen merzimde ýaqytsha turýǵa ruqsat qujaty, turýǵa yqtııarhat nemese azamattyǵy joq adamnyń kýáligi bola alady. Buzýshylyqtar anyqtalǵan jaǵdaıda sharttan bas tartyp, bul týraly kóshi-qon qyzmetine dereý habarlaý nemese 102 nómirine qońyraý shalý qajet.
Shart jasalǵan jaǵdaıda jumys berýshi qabyldaýshy tarap retinde vızalyq kóshi-qon portaly arqyly úsh jumys kúni ishinde kóship kelýshiniń ýaqytsha turǵylyqty jerin aýystyrǵany týraly ishki ister organdaryna habarlaýy qajet.
Qabyldaýshy tulǵanyń sheteldikterdiń bolý quqyǵyna qujattardy resimdeý, ne bolýdyń belgili bir merzimi ótkennen keıin olardyń elden ketýi ne olarda bolatyn kóship kelýshiler týraly polısııaǵa ýaqtyly habarlaý sharalaryn buzǵany úshin ÁQBtK-niń 518-babynda eskertý túrinde jaýapkershilik kózdelgen, quqyq buzýshylyq qaıta jasalǵan kezde 30 aılyq eseptik kórsetkish aıyppul salynady.
Elde Qazaqstan zańnamasyn buzýshylyqpen júrgen sheteldikke turǵyn úı bergeni úshin qabyldaýshy tulǵaǵa 25 aılyq eseptik kórsetkish mólsherinde aıyppul salynady. Sheteldikter páterdi jóndeý, úı salý nemese qandaı da bir basqa jumystardy tıisti ruqsatsyz paıdalanǵan jaǵdaıda, aıyppul túrinde 30 aılyq eseptik kórsetkish, al jyl ishinde qaıtalap jasaǵan jaǵdaıda 50 AEK aıyppul qarastyrylǵan. Osy talaptardy saqtasańyz, siz keleńsiz jaǵdaılar men problemalarǵa tap bolmaısyz.
