Keıin zaman damýy men tehnologııanyń órkendeýi nátıjesinde aqparat salasyna radıo men televıdenıe qosyldy. Al búgin álemdik aqparat kózderin ınternetsiz, áleýmettik jelisiz elestetý múmkin emes. О́ıtkeni zaman tynysyn shuǵyl sezdiretin de, jer júzinen, aıshylyq alys jerlerden habar aldyratyn da – buqaralyq kommýnıkasııa quraldary. Olardan qol úzgen adam jasyna qaramaı oı-órisin shekteıdi, kúıbeń tirshilikten asa almaı qalady. Qoǵamnyń árbir múshesi, ata-ana, ustaz, shákirt, memlekettik qyzmetker, bıznesmen, qarapaıym eńbek adamy, t.b. mádenıeti kelisse, elde qalyptasqan dástúrli aqparat júıesin tutynatynyna jáne qoldaıtynyna senimdimiz.
Jan-jaqty saýattylyqqa, jalpy deńgeıge sebi tıetin is, gazet-jýrnaldy jazdyryp alý da – mádenıet pen órkenıettilik belgisi. «Qazaq «taıǵa tańba basqandaı» dep beker aıtpaıdy. Kózben kórgen, ustap sezingen nárse sanada uzaq saqtalady. Muny (jazba materıaldarynyń kúshin) zamanaýı psıhologter de aıtyp-jazyp júr. Mass-medıaǵa qatysty suraqqa el Prezıdenti Qasym-Jomart Toqaev ashyq, naqty jaýap berdi: «Merzimdi baspasózdi úzbeı qaraımyn. Bul – meniń burynnan qalyptasqan daǵdym. Egemen Qazaqstan, «Aıqyn», Astana aqshamy gazetterin oqımyn. «Ana tili», «Qazaq ádebıeti», «Jas qazaq», «Túrkistan» gazetterin de mindetti túrde oqyp turamyn. Jalpy, men kóp oqıtyn adammyn. Jaqsy maqala nemese suhbat kórsem, astyn syzyp oqýǵa tyrysamyn. О́zekti másele baıqasam, oǵan qatysty naqty tapsyrma beremin. Áleýmettik jelidegi ótkir jazbalardy da únemi sholyp otyramyn. Al teledıdardan jańalyqtar men saraptamalyq baǵdarlamalardy kóremin». Iá, týǵan eliniń baspasózinen jerimeı, ózge eldiń aqparat quraldaryn da qarap, oqyp-bilip, tanymyn tolyqtyryp, bilimin keńeıtip júrgen barsha saladaǵy azamattardyń, isker, tanymal tulǵalardyń, tipti qarapaıym ata-analardyń ustanymy, pikiri dáleldi, syndarly, júıeli bolatynyn sát saıyn baıqaımyz. Osy ońaı da ońtaıly jetistikke jetý – árkimniń óz qolynda. Adamzatqa ortaq, elge qajetti bul sapa, Abaı aıtatyn «kórsem, bilsem» deıtin taza shaqtan bastalǵan adamı ynta bizdiń qoǵam úshin árqashan mańyzdy ári paıdaly ekenin umytpalyq.
Darhan MYŃBAI,
Májilis depýtaty
