«Mınıstrlik respýblıkada koronavırýstyq ınfeksııa shtammynyń aınalymdaǵy nusqalaryna monıtorıng júrgizýdi jalǵastyrýda. Aqpan aıynda oń úlgilerdi genotıpteý aıaqtaldy, elimizdiń barlyq óńirlerinde «omıkron» nusqasynyń aınalymy anyqtaldy jáne zerttelgen úlgilerdiń jalpy sanynyń 72%-yn qurady», dedi Ajar Ǵınııat Úkimet otyrysynda.
Onyń aıtýynsha, barlyq aımaqtarda «omıkronmen» qatar «delta» shtamm aınalymy jalǵasýda jáne úlgilerdiń jalpy sanynyń 25% quraıdy.
«Sońǵy aptada álemde koronavırýstyq ınfeksııamen aýyratyndardyń sany 20%-ǵa azaıdy», dedi Ajar Ǵınııat.
Mınıstrdiń aıtýynsha, aýrýdyń tómendeýi 215 eldiń 180-inde, atap aıtqanda Amerıkada - 46%-ǵa, Armenııada - 45%-ǵa, Chehııada - 32%-ǵa, Ulybrıtanııada - 23%-ǵa, Túrkııada - 11%-ǵa, Avstrııa men Reseıde - 9%-ǵa baıqalady.
Sonymen qatar, álemniń 35 elinde, onyń ishinde Malaızııada - 1,4 ese, Qytaıda - 1,3 ese, Taılandta - 1,2 ese aýrýdyń ósýi jalǵasýda.
«Álemdik reıtıngte sońǵy aıda Qazaqstan syrqattanýshylyq boıynsha 5 pozısııaǵa jaqsaryp, 120 - orynda tur, ólim-jitim boıynsha kórsetkish 6 pozısııaǵa jaqsaryp, 225-ten 108-orynǵa kóterildi», dep túıindedi mınıstr.
