«Sergeı Kovalevke jartylaı orta salmaq dárejesinde judyryqtasý aıtarlyqtaı qıyndyq týǵyzǵanyn jankúıerler óte jaqsy biledi. Oǵan salmaq qýý aýyr tıdi. Bul jaǵdaı sońǵy shaıqastarynda aıqyn ańǵarylyp turdy. Ol óte kóp kúsh joǵaltty. Salmaq qýǵannan keıin qalpyna kelýi múmkin emes jaǵdaıǵa aınaldy. Shamasy 7-8 raýndqa ǵana jetti. Sergeı birinshi aýyr salmaq dárejesine aýysqysy keletinin udaıy aıtyp júrdi. Endi mine, kásibı mansabyn birinshi aýyr salmaqta jalǵastyrýǵa bel býyp otyr.
Qytaılyq Fanlýn Menge qarsy shaıqasqa shyǵý týraly usynysty Triller strımıng qyzmeti usynǵan bolatyn. Búginde olar Menmen máseleni sheship jatyr. Biz úshin eshqandaı aıyrmashylyq joq. Qarsylastyń deńgeıi jaqsy ekeni ras. Sergeı qazirgi tańda kóptiń birimen qolǵap túıistirgisi kelmeıdi. Úzdikterge qarsy sharshy alańǵa shyǵýdy josparlap júr. Kásibı mansabynyń sońyn birinshi aýyr salmaqta ótkizetin Kovalev endi ári ketse 3-4 márte kezdesýge shyǵatyn bolady. Sol úshin de ol myqtylarmen qolǵap túıistirgisi keledi», dedi menedjer óz oıyn qorytyndylap.
