«Qazaqstanda 62 myń stýdent jataqhanaǵa muqtaj. Almatynyń ózinde 20 myńnan astam stýdent baspana izdep júr», dedi Alpamys Satybaldın.
Ol sondaı-aq, ótken jyly kásipkerler óz qarajaty esebinen Almatyda 1 272 tósek-orynǵa arnalǵan segiz jataqhana salǵanyn aıtty.
«Bul tikeleı jergilikti bıýdjet esebinen emes, jeke kásipkerlerdiń qarajatyna salynǵan jataqhanalar. Bıyl Almatyda taǵy birneshe joba iske qosylady. Iri qurylys kompanııalarymen kelissózder júrgizilýde. Eger JOO men ınvestorlar arasyndaǵy barlyq kelissózder sátti aıaqtalsa, onda tek bir JOO úshin 15-ke jýyq jańa nysandy engizý josparlanýda. Bul jobaǵa basqa JOO-lar da qatysady», dedi spıker.
Alpamys Satybaldın Qazaqstanda jer telimderi bar, biraq qurylysqa qajetti qarajat tappaǵan joǵary oqý oryndary bar ekenin aıtty.
«Bundaı jaǵdaıda ınvestor men JOO konsorsıým shartyn jasasady. Investordyń aqshalaı qarajaty men JOO-nyń jer ýchaskesin paıdalana otyryp, birlesken úlestik menshik qurylady, ol sharttyq qatynastarmen retteledi. Bul jaǵdaıda biz de qarjylandyramyz», dedi Satybaldın.
