Nysannyń jalpy aýdany – 27,8 gektarǵa sozylǵan. Saıabaq aýmaǵynda 12 000 dana aǵash, 2360 sharshy metrine gúlder egilse, 20 476 sharshy metr bóligine kógaldandyrý jumystary júrgizilgen.
Sondaı-aq, 12 000 túp aǵash egilip, 710 dana jaryqsham ornatylǵan. Odan bólek, aıaq jol taqtaıshalary men asfaltty jol tóselgen. Sonymen birge, oryndyqtar men qoqys jáshikteri de qoıyldy. Taǵy bir aıta keterligi, Túrkistan qalasy aýmaǵynda kógaldandyrý, aǵashtardy kútý jáne saıabaqtar, skverler men alleıalardyń tazalyǵyn saqtaý maqsatynda sapaly tehnıkalar alyndy.
Bul baǵytta arnaıy mamandar 25 túrli, 200 dana tehnıkamen jumys isteıdi. Ár tehnıkanyń óz mindeti, ereksheligi bar. Bireýi aǵashty kútip-baptaýǵa arnalsa, kógal, gúl men butany sándeýge, qyrqýǵa arnalǵan tehnıkalar da bar.
