Qarda júretin «Nıva-Bronto» kóligimen qutqarýshylar jedel jolǵa shyǵady. Tek bir jarym saǵattan keıin ǵana olar Qaq kóliniń mańynda qarǵa batyp qalǵan balyqshylardy tapqan. Áıteýir osy kúni kún qatty aıazdy bolmaǵan, áıtpese balyqshylardyń úsip qalýy kádik edi. Qutqarýshylar olardy Tımırıazev selosyndaǵy úılerine aman-esen jetkizgen.
Osy oqıǵadan eki saǵat buryn ǵana Taıynsha aýdanynyń qutqarýshylary Nur-Sultan qalasynan kelip, Shaǵalaly kólinde balyq aýlamaq bolǵanda adasyp ketken astanalyq jigitti de ajaldan qutqardy. Oqıǵa osy aýdannyń Chermoshnıan aýyldyq okrýginiń aýmaǵynda bolǵan. Eki jaǵdaıda da balyqshylar tótenshe jaǵdaı qyzmetiniń aýa raıy buzylyp, boran soǵady degen eskertýin elemegen.
