Al búkil derlik sanaly ǵumyrym ótken Semeıde sonaý təýelsizdik tańy atqaly beri keýdeni ókinishke toltyryp, eńseni túsiretin kemshilikterdiń biri kóshelerdiń ataýy edi. 2018-2019 jyldary 9 kósheniń ataýy ózgertilse, burnaǵy jyly 10 kósheniń aty aýystyrylypty. «Endi, mine, 50-den astam kósheniń attary ózgertilmekshi», dep súıinshilepti gazettiń jergilikti jerdegi qyzmetkeri.
Jalpy, sońǵy 30 jylda atalǵan məselege qatysty birneshe jýrnalıst sóz qozǵap, qaladaǵy 500-ge tarta kósheniń ataýyn aýystyrý týraly qalalyq onomastıka komıssııasyna usynys bildirgen edi. О́kinishke qaraı, usynystar kóńilge qonymdy negizde eskerildi dep aıta almaımyz. Kóshe attary qalalyq bilim bólimin basqarǵan Posmakov sekildi qarapaıym kisilerge de berilip ketkeni jasyryn emes. Endigi mindet – sondaı olqylyqtardy boldyrmaý. Al A.Knıagının sekildi osy eldiń janashyr azamattaryn umyt qaldyrmaı, eńbegin eskerý de este turarlyq məsele bolsa ıgi deımiz, arýaǵy rıza bolar edi.
Sońǵy jyldary qaladaǵy «Qaraǵaıly», «Vostochnyı» shaǵyn aýdandary qarqyndy damyp keledi. Ərqaısysynda san myńdaǵan halyq turady. Munda da jańadan paıda bolǵan kóshelerge at berilerde sheshim əbden oılastyrylyp, talqydan ótip baryp shyǵarylýy kerek. Məselen, qalada əli kúnge deıin kompozıtor, Qazaqstannyń Eńbek Eri E.Rahmadıevtiń atynda kóshe joq. Sondaıaq təýelsiz jýrnalıstıkanyń Semeıdegi alǵashqy qarlyǵashy L.Reznıkovti de eskerýge turarlyq tulǵa desek, aqıqattan alshaq ketpeıtinimiz anyq.
Súıeýbaı BAIQADIULY,
Qazaqstannyń qurmetti jýrnalısi
NUR-SULTAN
