Sársenbi kúni birneshe myń fermer el astanasyna traktormen kirmek boldy, biraq polısııa olarǵa ruqsat bermedi.
Odan keıin sharýalar qoǵamdyq kólikpen qala ortalyǵyna jetip, qalanyń ortalyq tas joldarynyń biri – Ierýsalım alleıasyn, sondaı-aq oǵan jaqyn ornalasqan birqatar kósheni jaýyp tastady. Sherýshilerdiń áreketine polıseıler áli aralasqan joq.
«Agroýnııa» fermerler uıymynyń jetekshisi Mıhal Kolodzeıchıktiń túsindirýinshe, sharýalar tyńaıtqyshtar, elektr energııasy, janar-jaǵarmaı baǵasynyń qymbattyǵyna, syrttan keletin baqylaýsyz azyq-túlikke narazylyq bildirýde.
Qazir dıqandar Premer-Mınıstr Mateýsh Moraveskıımen kezdesýdi talap etip, túrli aspaptardy dańǵyrlatqan kúıi úkimet ǵımaratyna qaraı sherýletýde. Olardyń plakattarynda «Únsiz ólmeımiz» dep jazylǵan.
