«Jańa zańdar sapaly jáne pysyqtalǵan bolýy úshin bizge sarapshylardan keńes alý, álemdik tájirıbeni taldaý, qandaı da bir baǵyttarda jetistikterge qol jetkizgen adamdarmen qarym-qatynas jasaý qajet. Sondyqtan biz Senat janyndaǵy Jas sarapshylar klýby sııaqty alań qurdyq. Bizdiń klýbtyń músheleri zań jobalaryn daıyndaýǵa belsendi qatysatynyn bilesizder. Olar óz pikirlerin ortaǵa salady, olarǵa baǵa beredi, zań qabyldaý kezinde eskeriletin usynystar ázirleıdi. Olar úshin bul belgili bir ózin-ózi júzege asyrý. Sondyqtan, qazirgi ýaqytta jastarmen tyǵyz qarym-qatynas jasaý mańyzdy. Olarda «temirbeton» sııaqty qalyptasqan stereotıpteri joq. Olar belgili bir aqparatty, keıbir ıdeıalardy qabyldaýǵa ashyq, olar ıkemdi, keıbir nárselerdi ózderi ózgertýge daıyn. Bunyń barlyǵy - tek jastardyń boıynda bolatyn erekshelik», dedi Senat Tóraǵasy.
Máýlen Áshimbaev óz sózinde ashyq bolý, basqanyń pikirin qabyldaý, basqa adamdardy tyńdaý, qajet bolǵan jaǵdaıda óz ustanymdaryn ózgertý búginde úlken mańyzǵa ıe ekenin aıtty.
«Jańa Qazaqstannyń tujyrymdamasyn júzege asyrý aıasynda bir-birimizdi tyńdaý, bir-birimizge qoldaý kórsetý, bir-birimizden úırený óte mańyzdy. Meniń oıymsha, jańa Qazaqstandy qurý úshin osyndaı kásibı mamandar tobymen analıtıka mektebi boıynsha joba, jas sarapshylar klýby boıynsha joba jáne biz aınalysatyn basqa da jobalar jumys isteıdi», dep tolyqtyrdy Máýlen Áshimbaev.
