«Azamattyq avıasııaǵa qaýip tónip turǵandyqtan Kıev aýdanynyń shekarasynan Dnepr, Lvov, Odessa, Sımferopol aýdandarynyń áýe keńistigine ushýy shekteledi», delingen NOTAM habarlamasynda.
Buǵan deıin TASS Harkov pen Dnepr áýejaılary 23 aqpannan 24 aqpanǵa deıin ýaqytsha jabylǵanyn atap ótken.
Aıta ketsek, Vladımır Pýtın reseılikterge úndeýinde Donbasta arnaıy áskerı operasııa jasaý týraly sheshim qabyldaǵany týraly habarlady.
Sonymen qatar Vladımır Zelenskıı ýkraın halqy men men orys halqy bir-birine jaý emes ekendigin atap ótti.
Ýkraına prezıdenti Reseı prezıdenti Vladımır Pýtınmen baılanysýǵa tyrysqanyn aıtty, biraq keri baılanys ala almady.
Osydan keıin Zelenskıı Reseı azamattaryna «prezıdent retinde emes, Ýkraına azamaty retinde» úndeý jasady.
«Siz ben bizdi 2000 shaqyrymnan astam shekara bólip tur, sol shekaranyń boıynda sizdiń áskerlerińiz, 200 000-ǵa jýyq sarbazdaryńyz qatar tur, sizdiń basshylyǵyńyz basqa memlekettiń aýmaǵyna qadam basqaly tur jáne sol qadam Eýropa elindegi úlken soǵystyń bastaýy bolýy múmkin», dedi Vladımır Zelenskıı.
Aıana Toǵanbek,
EUÝ stýdenti
