Daý tvıtterde bastalǵan bolatyn. AQSh boksshysy jankúıeriniń suraǵyna jaýap bere otyryp: «Gennadıı Golovkın ekeýara jekpe-jekten bar bolǵany bes mınýtta bas tartty» dedi. AQSh boksshysynyń bul sózin Gennadıı Golovkın nazardan tys qaldyrǵan joq. «Jankúıerlerińdi aldaǵandy doǵar, Andre! Men Davıd Lemege qarsy jekpe-jekti resmı jarııalaǵannan keıin ǵana seniń komandań usynys jasady. Atalmysh shaıqas Madison Square Garden kesheninde anshlagpen ótti. Sen men sekildi bıletti sata almaǵandyqtan áli kúnge yzalanyp júrsiń», dedi otandasymyz.
Budan keıin áleýmettik jelilerde jankúıerler men mamandar Andre Ýordtyń usaq adam ekenin, bolmaıtyn dúnıeni jazǵanyn aıtyp, syn tezine aldy. Bir sózben aıtqanda artyq sózimen aıypty bolǵan Andre abyroı tapqan joq. Bir qyzyǵy boksshy retinde kásibı mansabyn aıaqtaǵan ol nege joq jerden Gennadıı Golovkınge tıise jónelgeni túsiniksiz. Bálkim qazaq boksshysymen áli de qolǵap túıistirip, qomaqty qarajatty qaltasyna basqysy keletin shyǵar...
