«Birden aıtaıyn, Qazaqstandaǵy atom stansasy qurylysyn jaqtaımyn. Men uzaq ýaqyt energetıka salasynda jumys istedim. Tıisti ınstıtýttar birneshe jyldan keıin bizde elektr energııasynyń tapshylyǵy bolýy múmkin deıdi. Bizge bazalyq qýat qajet», dedi oblys ákimi.
Sondaı-aq aımaq basshysy atom elektr stansııasyn salýmen baılanysty fobııalar bizde gendik deńgeıde ekenin aıtty.
«Biz bul máselege óte muqııat qaraýymyz kerek. AES Balqash nemese Ertis jaǵalaýynda ornalasa ma joq pa bilmeımin, biraq qajetti sý kólemi kerek. Aınalmaly sýmen jabdyqtaý bar, ol salqyndatý úshin qajet. Oblys ákimi retinde stansııanyń qurylys ornyn anyqtaý meniń mindetime kirmeıdi. Men buǵan eshqandaı áser ete almaımyn, meni AES salý úshin Almaty oblysynyń ákimi etip taǵaıyndady degen paıymdaýlar - jaı ǵana qaýeset», dep aımaq basshysy.
