О́zbekstannyń Densaýlyq saqtaý mınıstrligi habar taratqandaı, sońǵy kúnderi pasıentterdi koronavırýstyq ınfeksııamen aýyratyn naýqastardy emdeýge arnalǵan arnaıy juqpaly aýrýlar aýrýhanalaryna jatqyzý jeti ese azaıdy.
Búgingi tańda aýrýdyń taralýy 0,4%-dy quraıdy, bul epıdemıologııalyq jaǵdaıdyń turaqtanýyn kórsetedi.
«Joǵaryda keltirilgen aqparatqa sáıkes, osy jyldyń 1 naýryzynan bastap azamattarǵa ashyq aýada, sondaı-aq, azamattardyń áleýmettik qashyqtyǵyn qamtamasyz etý qıyn jerlerde, atap aıtqanda: qoǵamdyq kólikterde, iri saýda oryndarynda, oqý oryndarynda, memlekettik jáne memlekettik emes mekemelerde betperdesiz júrýge ruqsat etiledi», dep habarlady vedomstvo.
Bul rette meshitterde, teatrlarda, kınoteatrlarda, mýzeılerde, óner saraılarynda, turmystyq qyzmet kórsetý mekemelerinde jáne basqa da adamdar kóp jınalatyn oryndarda betperde kııý usynymdyq sıpatta bolady.
Vedomstvo Densaýlyq saqtaý mekemelerinde betperde kıip júrý áli de mindetti ekenin qosa habarlady.
