QR tólemdi belsendi qoldanǵandardyń ishinde Almaty qalasynyń turǵyndary kósh bastap tur, ekinshi orynda – qaraǵandylyqtar, odan keıingi tizimde – astanalyq turǵyndar (tıisinshe 72 052, 63 278, 54 354).
QR kodtyń kómegimen memlekettik qyzmetterdiń baj alymyn eń az tólegender – Atyraý men Soltústik Qazaqstan oblysyndaǵy tutynýshylar (23 080 jáne 23 449 ret).
«Servıs engizilgen sátten bastap, biz oń ózgerister baıqap otyrmyz – klıentter ýaqytyn únemdep, operatordyń aldynda otyryp-aq qyzmet aqysyn tólep júr. Kassalardyń júktemesi tómendedi. Sondaı-aq QR kod arqyly tólem jasalǵanda komıssııa alynbaıdy. Osynyń barlyǵy bizge taıaý ýaqytta HQO-daǵy kassalardyń sanyn úshten birge deıin qysqartýǵa múmkindik beredi», dep atap ótti «Azamattarǵa arnalǵan úkimet» memlekettik korporasııasynyń basqarma tóraǵasy Ádil Qojyqov.
Eske sala keteıik, Memleket basshysy 2021 jylǵy qyrkúıektegi Joldaýynda memlekettik qyzmetterdi alý kezindegi problemalarǵa nazar aýdaryp, bul prosesterdi tolyǵymen sıfrlandyrýdy tapsyrǵan bolatyn. QR kod arqyly tólem jasaý sııaqty servıster azamattardyń memlekettik qyzmetterdi alý retin jeńildetýge kómektesedi.
Qazir QR kodtyń kómegimen 146 túrli memlekettik qyzmettiń aqysyn tóleýge bolady. Bolashaqta bul tizim tolyqtyrylady. QR kod arqyly memlekettik baj alymyn tóleý Kaspi jáne Halyq Homebank mobıldi qosymshalary arqyly qoljetimdi.
