Jobanyń negizin qalaýshysy men menedjeri Dosjan Júsipov bul jetistik búkil ujymnyń eńbegi ekenin atap ótip, kompanııanyń aldynda elimizdiń barlyq ınsýlt ortalyqtarynda bul baǵdarlamany qosý boıynsha úlken mindet turǵanyn málimdedi.
«Bizdiń komandamyz ınnovasııalyq ónim jasap qana qoımaı, ınsýltke qatysty qalyptasqan paradıgmany ózgertip jatqanyna senimdimin. Biz adamdardyń qıyn jaǵdaılarǵa daıyn bolǵanyn qalaımyz. Ol úshin bizdiń komanda «Insýlt» qaıyrymdylyq qoryn uıymdastyrdy. Biz ınsýlttan bolatyn ólimdi azaıtýǵa úles qosqymyz keledi», dedi Dosjan Júsipov.
Bıyl EY baıqaýdy pandemııa qıyndyqtaryna qaramastan, óz bıznesin damytýdy jalǵastyrǵan kásipkerlerge arnady. Eske salaıyq, baıqaýdyń ulttyq kezeńi 2007 jyldan bastaý alady. Sodan beri baıqaýǵa ekonomıkanyń túrli salalary men elimizdiń óńirlerinen 800 otandyq kásipker qatysqan.
Eske sala keteıik, Astana Hub – IT-startaptarǵa arnalǵan halyqaralyq tehnopark. Astana Hub TMD elderinen startaptar jáne IT-kompanııalardy tartýmen jáne lokalızasııalaýmen, tehnologııalyq kásipkerlikti tanymal etýmen jáne jergilikti mamandardy, startaptar men IT-kompanııalardy damytýmen, sondaı-aq otandyq IT qyzmetteri men ónimderiniń eksportyn damytýmen aınalysady, deıdi Astana Hub baspasóz qyzmeti PR jáne marketıng bóliminiń aǵa menedjeri Altyngúl Jańabaı.
