Qazaqstan Respýblıkasyndaǵy Italııa Elshiliginiń saıtynda habarlanǵandaı, Italııaǵa týrıstik saparlarǵa qoldanystaǵy shekteýler toqtatylady, ıaǵnı 1-31 naýryz aralyǵynda qazaqstandyqtarǵa Eýropa eline kirýge ruqsat etiledi.
Qazaqstan Respýblıkasyndaǵy Italııa elshiliginde bul úshin kelesi qujattar qajet ekenin atap ótti:
- Saýalnama;
- Kelesi qujattardyń biri: Eýropalyq dárilik zattar agenttigi tanyǵan preparatpen koronavırýsqa qarsy vaksınasııalaý týraly anyqtama, ol vaksınasııalaýdyń tolyq birinshi kýrsyn aıaqtaǵannan keıin nemese revaksınasııadan ótkennen keıin berilýi tıis. Eger vaksınasııa týraly anyqtama bolmasa, onda 180 kúnnen aspaıtyn ýaqyt ótken tıisti ózin-ózi oqshaýlaý kezeńiniń aıaqtalý kúnin kórsete otyryp, saýyǵý týraly anyqtamany usynýǵa ruqsat etiledi. Sondaı-aq, teris nátıjesi bar antıgendik jedel test (jaramdylyq merzimi 48 saǵat) nemese molekýlalyq PTR testi (jaramdylyq merzimi 72 saǵat) týraly anyqtama berýge bolady.
Anyqtamalardyń biri bolmaǵan jaǵdaıda saıahatshy bes kúndik karantındi óteýge, al karantınnen keıin koronavırýstyq ınfeksııaǵa testileýden ótýge mindetti.
