Qazaqstannyń barlyq aýmaqtarynda jaýyn-shashynsyz aýa raıy kútiledi. Tek elimizdiń batysynda Ońtústik sıklon shuńqyrynyń yqpalymen jańbyr men qar aralas jaýyn-shashyn jaýyp, kóktaıǵaq kútildi. Respýblıka boıynsha keı jerleri tumandy bolady. Elimizdiń batysynda, ońtústiginde jáne shyǵysynda jeldiń kúsheııýi kútiledi. Atyraý, Mańǵystaý, Aqtóbe oblystarynyń ońtústiginde, batysynda jáne ortalyǵynda jel 15-20 m/s deıin kúsheıedi, Atyraý oblysynyń soltústiginde tuman kútiledi. Batys Qazaqstan oblysynyń ońtústik-batysynda kóktaıǵaq, soltústiginde tuman kútiledi. Kúndiz Almaty oblysynyń Jalańashkól aýdanynda jel 18-23 m/s kúsheıedi. Qyzylorda oblysynyń soltústiginde tuman, kúndiz jeldiń kúsheııýi 15-20 m/s kútiledi. Túnde jáne tańerteń Jambyl oblysynyń ońtústiginde, taýly aýdandarda – tuman, oblystyń soltústik-shyǵysynda, taýly aýdandarda jeldiń kúshi 15-20 m/s jetedi. Túnde Shyǵys Qazaqstan oblysynyń soltústiginde tuman kútiledi, oblystyń batysynda 15-20 m/s deıin jel kúsheıedi. Aqmola oblysynyń soltústiginde, shyǵysynda, Qostanaı oblysynyń soltústiginde, Soltústik Qazaqstan oblysynyń ońtústiginde, Pavlodar oblysynyń batysynda, ońtústiginde, shyǵysynda, Qaraǵandy oblysynyń soltústiginde, batysynda tuman kútiledi.
