Osy oraıda, ıaǵnı jyl saıyn kóktemniń alǵashqy kúni elimizde mamyrajaı qalypta atalyp ótetin Alǵys aıtý kúni merekesi qarsańynda men bilikti dáriger-massajshy Juldyz Seıtbekqyzy О́mirálıevaǵa shyn júregimmen alǵysymdy elimizdiń bas basylymy – «Egemen Qazaqstan» gazeti arqyly jetkizgim keledi.
2019 jyly ınsýlt alyp, denemniń oń jaq bóligi sal bolyp qaldy. Bul men úshin, otbasym úshin aýyr jaǵdaı edi. Mundaı jaǵdaı eshkimniń basyna kelmesin. О́mirim túnekke aınalǵandaı boldy. Dárigerge júgindim, túrli em-dom qabyldadym. Dárigerler maǵan negizinen massaj alý qajettigin basa aıtty. Sodan Nur-Sultan qalasyndaǵy №8 emhananyń dáriger-massajshysy Juldyz Seıtbekqyzyna bardym. Ol kisi meni jyly qabyldap, meni emdeı bastady. 20 jyldyq tájirıbesi bar bilikti maman meni 10 kúnniń ishinde aıaqqa turǵyzdy. Qoldarym jumys istep, kádimgideı júre bastadym. Bul men úshin úlken qýanysh edi.
Men Alǵys aıtý kúni merekesi qarsańynda Juldyz Seıtbekqyzyna rııasyz peıilmen alǵysymdy bildirgim keledi. Elimizde osyndaı bilikti mamandar kóp bolsa eken deımin. Juldyz hanymǵa qajymas qaırat, isine bereke, myqty densaýlyq tileımin!
Murat ISAHOV,
Nur-Sultan qalasynyń turǵyny
