Jańa qaǵıdalar QR Tótenshe jaǵdaılar mınıstriniń 2022 jylǵy 21 aqpandaǵy buıryǵymen bekitildi.
Osylaısha, obektidegi órt qaýipsizdigin menshik ıeleri, menshik nysanyna qaramastan uıymdardyń, kásiporyndardyń basshylary, jeke kásipkerler, jeke tulǵalar, obektini nemese úı-jaıdy ıelenýge, paıdalanýǵa nemese bılik etýge quqyǵy bar adamdar qamtamasyz etedi delingen.
Uıymdardyń basshylary órt qaýipsizdigin qamtamasyz etý maqsatynda buıryqpen jekelegen jumys ýchaskelerinde órt qaýipsizdigin qamtamasyz etetin adamdardy taǵaıyndaıdy.
Uıymdardyń qyzmetkerleri órt qaýipsizdigi máseleleri boıynsha oqytýdan jáne nusqamadan ótkennen keıin jumysqa jiberiledi, al jumystyń ereksheligi ózgergen kezde yqtımal órtterdiń aldyn alý jáne olardy sóndirý boıynsha qosymsha oqytýdan ótedi.
Ǵımarattar men qurylystarda (jeke turǵyn úılerdi qospaǵanda) ruqsat etilmeıdi:
- tez tutanatyn jáne janǵysh suıyqtyqtardy, jarylǵysh zattardy, pırotehnıkalyq buıymdardy, janǵysh gazdary bar ballondardy, aerozol oramyndaǵy taýarlardy, sellýloıdtardy, jarylys-órt qaýipti, janǵysh zattar men materıaldardy jertólelerde, sokol qabattarynda, shatyrlarda, tehnıkalyq qabattar men úı-jaılarda saqtaý jáne qoımalaý;
- jobalaý qujattamasynda kózdelgen jaǵdaılardy qospaǵanda, jertólelerdi, tómengi qabattardy, shatyrlardy, tehnıkalyq qabattardy jáne úı-jaılardy, jeldetkish kameralaryn nysanaly maqsaty boıynsha paıdalanbaý jáne qoldaný;
- lıft holldaryn nysanaly maqsaty boıynsha paıdalanbaý;
- jobada kózdelgen qabattyq dálizderden, holldardan, foıeden, tambýrlardan jáne saty torlarynan evakýasııalyq shyǵý joldarynyń esikterin, sondaı-aq evakýasııalaý joldarynda órttiń qaýipti faktorlarynyń taralýyna kedergi keltiretin esikterdi alyp tastaý;
- nátıjesinde adamdardy qaýipsiz evakýasııalaý jaǵdaılary nasharlaıtyn, órt sóndirgishterge, órt krandaryna, órt qaýipsizdigi quraldaryna qol jetkizý shektelgen kólemdi-josparlaý sheshimderine ózgerister engizýge nemese órtke qarsy avtomatty qorǵaý júıeleriniń (avtomatty órt dabyly, turaqty avtomatty órt sóndirý qondyrǵysy, tútin joıý júıesi, qulaqtandyrý jáne evakýasııany basqarý júıesi)jumys isteý aımaǵy azaıtylady;
- evakýasııalyq satylardyń esikteri, lıýkteri, aralas seksııalarǵa ótý joldary jáne shyǵý joldaryn úımeleý, ıtergish aralyq satylardy bólshekteý, sondaı-aq páterlerdiń balkondary men lodjııalarynda lıýkterdi bekitý;
- maılanǵan súrtý materıalyn jınamaý;
- ǵımarattyń barlyq qabattarynyń terezelerine jáne jertóle terezeleriniń janyndaǵy oıyqtarǵa torlar ornatý (qylmystyq-atqarý júıesi obektileri men qoǵamnan ýaqytsha oqshaýlaýdy qamtamasyz etetin arnaıy mekemelerdiń úı-jaılaryn, qoımalardy, kassalardy, qarý-jaraq bólmelerin, mekemelerdiń qupııa bólimderin, prekýrsorlardy saqtaý men aınalysyn qospaǵanda);
- tútindenbeıtin baspaldaq torlaryna aparatyn balkondardy shynylaý;
- saty torlarynda, alańdar men dálizderde qoıma (qosalqy úı-jaılar) ornalastyrýǵa, sondaı-aq saty baspaldaqtarynyń astynda jáne saty alańdarynda zattardy, jıhazdardy, janǵysh materıaldardy saqtaýǵa mindetti. Birinshi jáne sokoldyq qabattarda baspaldaq marshtarynyń astynda ortalyq jylytýdy basqarý toraptary, sý ólsheý toraptary jáne janbaıtyn materıaldardan jasalǵan qalqalarmen qorshalǵan elektr qalqandary úshin úı-jaılar ornatýǵa jol beriledi;
- ǵımarattardyń óndiristik jáne qoıma úı-jaılarynda (otqa tózimdiligi V dárejeli ǵımarattardan basqa) jobalaý qujattamasynda kózdelgen jaǵdaılardan basqa, japsarlas úı-jaılar ornatý;
- órt qaýipsizdigin qamtamasyz etý jáne órt sóndirý quraldaryna, sondaı-aq qutqarý qurylǵylaryn bekitý oryndaryna ótý joldaryn úımeleý jáne jabý.
Erejelerdiń tolyq mátinin myna silteme arqyly kórýge bolady.
Buıryq 2022 jylǵy 7 naýryzdan bastap qoldanysqa engiziledi.
