Bul týraly ol Májilistegi Úkimet saǵatynda aıtty.
«Bıyl bizge elimizdiń týrıstik ımıdjin halyqaralyq deńgeıde qalpyna keltirý boıynsha jumys júrgizý qajet. Eki marketıngtik naýqan ótkizý josparlanýda. Birinshi joba TMD elderiniń naryǵyna, al ekinshi joba alys shetelderge baǵyttalǵan», dedi Dáýren Abaev.
Ol eki jyldyq úzilisten keıin BAÁ, Polsha, Katar, Germanııadaǵy halyqaralyq kórmeler men road-shoý uıymdaryna qatysý qaıta jańǵyrtylatynyn aıtty.
Mınıstr 2022-2025 jyldarǵa arnalǵan 5 myń sheteldik delegattyń qatysýymen 12 MICE is-shara ótkizilgeni rastalǵanyn, sondaı-aq Qazaqstanǵa halyqaralyq is-sharalardy tartý boıynsha jumys júrgizilip jatqanyn atap ótti.
Árbir ekinshi is-shara týrıstik áleýetti damytýǵa arnalady.
«Salany sıfrlandyrý jáne marketıng jónindegi jumys jalǵasatyn bolady. Sheteldik týrısterdi ornalastyrý oryndarynda esepke alý boıynsha Ulttyq kompanııa ázirlegen e-Qonaq ónimi serpindi sıfrlyq sheshimge aınaldy. Shyn máninde, ol kóshi-qon organdary úshin ózekti aqparatty usynady jáne naqty ýaqyt rejıminde týrıster úshin statıstıkalyq kesýdi usynady», dep qosty mınıstr.
