Pasıenttiń qandaı da bir tekserýlerden ótý kezinde qordyń medısınalyq qyzmet jetkizýshileri tizbesinen medısınalyq uıymdy tańdaýǵa quqyǵy bar. Ol úshin ýchaskelik dárigerdiń nemese óz emhanasynyń tar beıindi mamanynyń joldamasy bolýy qajet.
«Qajetti medısınalyq qyzmetti alý úshin qormen osy qyzmetterdi kórsetýge shart jasasqan klınıkalardyń kez kelgenin tańdaýǵa bolady. Qordyń medısınalyq qyzmet jetkizýshileri arasynda jeke klınıkalar úlesi basym ekenin atap ótkimiz keledi – 717 medısınalyq uıym. Bul – qordyń barlyq qyzmet jetkizýshisiniń 50%-dan astamy. Azamattar mamandardyń konsýltasııalaryn alýǵa, dıagnostıkalyq prosedýralardan, onyń ishinde jeke medısınalyq uıymdarda aqysyz, medısınalyq saqtandyrý sheńberinde ýchaskelik dárigerdiń joldamasy boıynsha ótýge múmkindigi bar. Naýqastardyń alǵan qyzmetteri úshin tólemdi qor júrgizedi», dedi qordyń basqarma tóraǵasynyń orynbasary Ilııas Muhamedjan.
Sondaı-aq qorda tirkelgen jeri boıynsha emhanada qyzmet kórsetý múmkindigi bolmaǵan jaǵdaıda dáriger osy qyzmetterdi kórsetýge birlesip oryndaý sharty jasalǵan basqa medısınalyq uıymǵa joldama berýge tıis ekenin túsindirdi. Nemese pasıent osy qyzmetti kórsetetin qordyń jetkizýshileri ishinen medısınalyq uıymdy ózi tańdaı alady. Onda ýchaskelik dárigerden joldama Densaýlyq saqtaý mınıstrliginiń aqparattyq júıelerinde avtomatty túrde birlesip oryndaý shartyn qalyptastyrý úshin negiz bolyp tabylady.
Qazirgi ýaqytta 1 389 medısınalyq uıym TMKKK jáne MÁMS boıynsha medısınalyq qyzmetter kórsetýge qordyń tikeleı jetkizýshileri bolyp otyr.
Eń kóp tirkelgen medısınalyq qyzmet jetkizýshileri ambýlatorııalyq jaǵdaıda konsýltasııalyq-dıagnostıkalyq kómek, medısınalyq ońaltý, mamandandyrylǵan stasıonardy almastyratyn kómek, alǵashqy medısınalyq-sanıtarııalyq kómek kórsetý boıynsha ekendigin atap ótken jón.
Qor saıtynda medısınalyq qyzmet jetkizýshiler tizimin qalaı paıdalanýǵa bolady? Qordyń fms.kz saıtynda «Pasıent úshin» degen bólimde «Emhanany tańdaý» degen kishi bólimde TMKKK jáne MÁMS medısınalyq kómek kórsetýshileriniń tizbesi. Ti-
zimderde ózińizdiń turatyn oblysyńyzdy nemese aımaǵyńyzdy, sodan keıin medısınalyq kómek túrin tańdaýyńyz kerek. Sondaı-aq munda EKU, medısınalyq ońaltý qyzmetterine jetkizýshiler tizbeleri, qajetti ýaqytta jańartylyp otyratyn birlesken oryndaýshylardyń tizbeleri jarııalanady.
Konsýltasııalyq-dıagnostıkalyq qyzmetterge ónim berýshilerdiń tizbesi-stomatologııa, rentgenografııa, PTR-testileý, KT jáne MRT kórsetilgen.
Eger sizde medısınalyq kómektiń sapasy men ýaqtyly kórsetý boıynsha suraqtar týyndasa, emhananyń Pasıentterdi qoldaý jáne ishki aýdıt qyzmetine nemese ózińizge yńǵaıly kelesi baılanys arnasy boıynsha Áleýmettik medısınalyq saqtandyrý qoryna júgine alasyz: fms.kz resmı saıty, 1406 baılanys ortalyǵy, Qoldau 24/7 mobıldi qosymshasy jáne Telegram-daǵy SaqtandyryBot.
