Jibek jolyndaǵy jaquttar

Túrli tústi tekemetter, kıiz­den basylǵan buıymdar, bas kıimder, qamystan órilgen ábzel­der, aǵashtan jonylǵan tosta­ǵandar, astaýlar, bylǵary blokonttar, taǵy da basqa qolóner buıymdarynyń árqaısysyna nazar aýdarmaı kete almaısyz. Ár kompozısııanyń erekshe naqyshta oryndalǵany onyń sánin ǵana emes, qunyn da áspet­tep turǵandaı.

Qazaqstan qolónershiler palatasynyń uıymdastyrýymen eki kún qatarynan ótken bul kór­meniń jyl saıyn Ji­bek joly kóshesiniń boıyn­da ótýi jaıdan-jaı emes. Uıymdas­tyrýshylardyń aıtýynsha, tabıǵı ónimderden joǵary tal­ǵammen jasalǵan kórkem dúnıe­lerdi kelýshiler Uly Jibek joly­nyń boıymen ótken saýda kerýeniniń zamanaýı formasy retinde qabyldaıdy. Sońǵy on jyldan astam ýaqyttan beri dástúrli sharaǵa aınalǵan qolóner kórmesine almatylyqtar ǵana emes, elimizdiń basqa óńirlerinen de sheberler qatysýda.

Búginde sheberler qolónerlik kásipti jeke kásipkerlikpen ush­tas­tyryp, osy salany da­mytýǵa barynsha úles qosyp keledi. Qazaqstandyq sheberler jasaǵan buıymdar elimiz ǵana emes, Eý­ropa, Ortalyq Azııa elderine de tanymal. Bul kórmeniń áleý­mettik sıpaty da basym. Qazaq­stan Qolónershiler palatasy osy joba aıasynda áleýmettik qorǵaýǵa muqtaj azamattardy jún men kıizden buıymdar da­ıyndaýǵa oqytý, zaǵıp jandardy jún men bylǵarydan buıymdar óń­deýge jáne daıyndaýǵa, ju­mys­syzdardy kúmis pen melhıor­dan zergerlik buıymdar ja­saýǵa úıretýdi de maqsat etip keledi.

ALMATY