«Jaqyn arada salynyp jatqan jyljymaıtyn múlik baǵasyna áser etetin negizgi faktor bar. Turaqsyz baǵamǵa baılanysty qurylys materıaldarynyń baǵalary sharyqtap ketýi múmkin. Tıisinshe, osy baǵalardyń ózgerýin eskeretin qurylys salýshylar salynyp jatqan obektilerdiń de, alda josparlanǵan obektilerdiń de baǵalaryn túzetýge májbúr bolady», dedi Vıktorııa Ten.
Onyń aıtýynsha, materıaldar baǵasynyń ósýinen keıin jumysshylardyń jalaqysyn arttyrý máselesi de uzaqqa sozylmaıdy.
«Nesıelik stavkalardyń ósýi qurylystyń ózindik qunyna da áser etedi», dep qosty ol.
Dese de, búgingi kúni satýǵa málimdelgen jobalardy toqtata turý jaǵdaılary baıqalmaıdy.
«Alaıda, jaqyn arada kútiletin tómen suranysqa baılanysty birqatar qurylys salýshylar iske asyrýǵa josparlanǵan jobalardy satýdy keıinge qaldyrǵany belgili boldy. Budan basqa, qurylys salýshylardyń ózderine búgingi kúni jobalardyń ózindik qunyn esepteýdi júrgizý jáne tıisinshe iske asyrý josparlanǵan jobalarǵa baǵalardy belgileý aıtarlyqtaı qıyn», dedi Vıktorııa Ten.
