Sýretti túsirgender A.Dúısenbaev, Ǵ.О́mirbekov
Sondyqtan partııanyń qalaı ózgeretini týraly kóp aıtyldy. Biraq birinshi kezekte, meniń oıymsha, partııa «az bolsa da nátıjeli ózgerý» qaǵıdaty boıynsha ózgerýde. Barlyq bıýrokratııalyq apparat azaıady, keńesterdiń barlyq túriniń sany qysqarady. Onyń ornyna árkimniń jeke jaýapkershiligi, ásirese basqarýshy quramnyń, sonyń ishinde óz baǵyty bar Bıýro músheleriniń jaýapkershiligi artpaq.Barlyq deńgeıde basshylyq quram partııa qyzmetindegi naqty sharalar men baǵyttar úshin jaýap beretin bolady.
Ekinshiden, bastaýysh partııa uıymdarynyń derbes bolýyna jáne naqty ister atqarýyna múmkindik týdy. Iаǵnı buryn barlyq partııalyq uıashyq jarnalardy partııa apparatyna jiberetin bolsa, endi bul jarnalardyń 20%-y partııalyq uıashyqtarǵa qaıtarylady. Sol qarajatty olar basqara alady jáne óz deńgeıindegi naqty bir qyzmetti júzege asyra alady. Munyń bári birinshi kezekte oryn alǵan alshaqtyqty joıý nemese partııanyń Qazaqstan halqynan alystap ketkenin retteý maqsatynda jasalýda. Ol úshin túrli alańdar uıymdastyrylady. Eń bastysy, partııa músheleri, partııa basshylyǵy birinshi kezekte halyqpen tikeleı jumys isteıtin bolady.
Meniń oıymsha, taǵy bir mańyzdy jáne zamanaýı usynys – qandaı máseleler jıi kezdesetinin, qaısysy eń ózekti ekenin baǵalaý úshin BIG DATA qoldaný. Partııa dál osy máselelerdi sheshýi tıis.
Lázzat QALTAEVA,
Senat depýtaty
