Áńgime arqaýy memlekettik qyzmettiń qazaqstandyq modeli

Vashıngton qalasynda (AQSh) Amerıka memlekettik basqarý qoǵamynyń (ASPA) 75 jyldyǵyna oraı merekelik konferensııasy sheńberinde «Memlekettik qyzmetti jetildirý strategııalary: Qazaqstan mysaldary» arnaıy sessııasy bolyp ótti. Memlekettik qyzmet isteri agent­tiginiń tóraǵasy Álıhan Baı­­menov konferensııa qaty­­­sý­­­­­shy­laryn Qazaqstan Respýb­­lı­­ka­sy­nyń memlekettik qyzmet júıe­s­iniń evolıýsııasymen, son­daı-aq, re­­formalardyń jańa keze­ńiniń basymdyqtarymen tanystyrdy. Atap aıtqanda, «Memlekettik qyzmet týraly» Zańdaǵy túbegeıli jańalyqtarǵa, kadrlardy irik­teý jáne ilgeriletý kezinde merı­tokratııa qaǵıdattaryn saqtaý­ǵa, etıkalyq jáne sybaı­las jem­­­qorlyqqa qarsy baqylaý­dy kú­­­sheıtýge, personaldy­­ bas­­­­­qarýdyń ınnovasııalyq tetikte­rine, «A» basqarýshylyq kor­­­­pýsynyń qurylýyna, memle­kettik qyzmetter kórsetý sapa­syn ba­qylaýǵa, memlekettik qyzmet­­­­shi­lerdi oqytýǵa jáne t.b. jan-jaqty toqtaldy. Qazaqstan Prezıdentiniń ja­nyndaǵy Memlekettik basqarý akademııasy ǴZI dırektory E.Jarkeshov Qazaqstandaǵy mem­lekettik qyzmet salasyndaǵy oqytý júıesi men ǵylymı-zert­teý­ler týraly baıandama jasady. Talqylaýǵa ASPA prezıdenti jáne AQSh-tyń Eńbekaqy jó­nin­degi federaldyq keńesiniń basshysy Stıv Kondrı, Basqarýshylyq býynnyń biliktiligin arttyrý federaldyq ınstıtýtynyń bu­rynǵy dırektory jáne ASPA konferensııasynyń qurmetti teń tóraǵasy Chester Nıýland, BUU-nyń Qazaqstandaǵy rezıdent úılestirýshisi Stıven Týll jáne t.b. qatysty. Talqylaýǵa qatysýshylar Qa­zaqstandaǵy memlekettik qyzmet salasynda júrgizilip jatqan reformalarǵa joǵary baǵa berdi jáne saıası qyzmetshilerdiń segiz esege qysqartylyp, «A» kor­­pý­synyń qurylýyn Prezıdent N.Na­zarbaevtyń memlekettik qyzmetti kásibılendirýge baǵyttalǵan erik-jigeriniń jarqyn kórinisi retinde atap aıtty. Konferensııanyń qatysý­shy­lary Astanadaǵy Memlekettik qyzmet salasyndaǵy óńirlik hab bastamasynyń mańyz­­­dylyǵyn atap ótti. Talqylaý qorytyndysynda Á.Baımenov paneldik sessııa qa­­­ty­sýshylarynyń qyzyǵýshylyq ta­nytqan suraqtaryna jaýap berdi. «Egemen-aqparat».