Serik Shapkenov óz sózinde azamattardy zeınetaqymen qamtamasyz etý bolashaq zeınetkerlerdiń jaǵdaıynyń nasharlaýyna jol bermeý úshin batyl sharalar qabyldaýdy talap etetinin atap ótti.
Mınıstr búgingi tańda elimizde 2,2 mln zeınetker bar ekenin eske saldy.
2021 jyly qazaqstandyqtar zeınetaqy jınaqtarynyń bir bóligin turǵyn úı jaǵdaıyn jaqsartý jáne emdeý úshin paıdalaný quqyǵyna ıe boldy. 2022 jylǵy 18 aqpandaǵy jaǵdaı boıynsha 2,79 trln teńgege jýyq somaǵa barlyǵy 1 mln-nan astam ótinish maquldandy.
Sonymen qatar, mınıstr atap ótkendeı, joǵalǵan tabysty zeınetaqymen almastyrý koeffısıenti yntymaqty zeınetaqydan jınaqtaýshy zeınetaqyǵa kóshýdi eskere otyryp, jyl saıyn tómendeıdi.
«BJZQ-nyń esepterine sáıkes, 2028 jyly zeınetaqy ortasha aılyq jalaqynyń shamamen 47,4%-yn ǵana almastyratyn bolady. 2040 jyly - 39,2%, al 2060 jyly - barlyǵy 29,5%. Sondyqtan zeınetaqy júıesiniń tıimdiligin qamtamasyz etý úshin qazirgi ýaqytta zeınetaqy júıesin odan ári jańǵyrtýdyń qoldanystaǵy tujyrymdamasyna ózgerister men tolyqtyrýlar engizý boıynsha jumystar júrgizilýde», dedi Eńbek Mınıstrliginiń basshysy Serik Shapkenov.
