Partııany jańǵyrtý ózgeristerge bastaıdy

Osydan 23 jyl buryn, ıaǵnı 1999 jyldyń 1 naýryzynda qurylǵan kezden bastap partııa óz damýynda tórt kezeńnen ótti. 2006 jylǵa deıin partııa elimizdiń saıası júıesindegi mańyzdylyǵyn arttyrdy, 2013 jylǵa deıin bılik partııasynyń mártebesin qamtamasyz etti, 2017 jylǵa deıin rebrendıng pen modernızasııany júzege asyrdy, 2022 jylǵa deıin jumys ádisteri men tásilderin ózgertýde belsendilik tanytty.

2022 jyldan bastap partııa túbegeıli qaıta qurýdy, jumystyń irgeli qaǵıdalaryn ózgertýdi aldyna maqsat etip qoıdy. Partııanyń kezekten tys sezinde Prezıdent Q.Toqaev partııalyq basqarýda ortalyqsyzdandyrý, bıýrokratııa men qaǵazbastylyqtan úzildi-kesil­di bas tartý, partııa fraksııa­lary qyzmetiniń tıimdiligin art­tyrý min­detterin qoıdy. Bul mindet­ter­di júzege asyrý naqty nátıje­lerge qol jetkizýge múmkindik beredi.

Partııany jańǵyrtý týraly sheshim ýaqyt talabyna saı. Álemdegi geosaıası sharttar ózgerdi, kúrdeli áleýmettik-ekonomıkalyq jaǵdaı qalyptasyp, qoǵamdaǵy saıası turaqtylyqtyń mańyzy arta túsýde. Osynyń aıasynda  Amanat partııasy saıası júıeni jań­ǵyrtýdyń draıveri retinde áre­ket etýi tıis. Bul der kezinde qa­lyp­tasqan úrdis jáne basqa par­tııa­lar da osy ustanymdy negizge alady degen úmit bar.

Partııany jańǵyrtýdyń ba­sym­dyqtary retinde halyqpen keri baılanys tıimdiligin arttyrý, ashyq­tyq pen jarııalylyqty arttyrý máseleleri qarastyrylady. Mun­d­aı kózqaras bolashaqta tek Amanat partııasyna ǵana emes, jalpy saıası ınstıtýttarǵa degen senimdilikti arttyra alady. Bú­gin­gi tańda halyqtyń senimi bul mańyz­dy faktor jáne partııa elektorat senimin arttyrý úshin qolda bar resýrstardy paıdalanýǵa daıyn.

Amanat partııasynyń jaqyn bolashaqtaǵy basym mindetteri – ishki prosesterdi baǵdarlamalyq qujattardy jańartý, jastar qanatynyń qyzmetin jandandyrý, sonymen qatar halyqpen baıla­nys tıimdiligin arttyrý. Prezı­dent Q.Toqaevtyń 16 naýryzdaǵy Qazaq­stan halqyna Joldaýynan naqty maqsattar men mindetterdiń tujyrymdaýyn kútý zańdylyq. Olardy júzege asyrýǵa partııa barynsha belsendi atsalysady. Halyq naqty nátıjelerge qol jetkizýdi kútedi. Ol úshin partııa jumysynyń tıimdiligin arttyrý, halyqtyń partııanyń ózine, jalpy elimizdiń saıası ınstıtýttaryna degen senimin arttyrý qajet.

Partııa qoǵamdyq keńesterdi ońtaılandyrýdy, olardyń sanyn qysqartýdy, keńester quramyn jańartýdy, keńes otyrystaryn ashyq ótkizýdi josparlap otyr. Qoǵamdyq qabyldaýlarda qyz­met kórsetýge baǵyttalǵan tá­sil qoldanylady, ıaǵnı partııa bel­sendi is-sharalardy júzege asyryp, aldyn ala áreket etýge talpynady. Sezde aýyl jastaryna arnalǵan «О́rleý» partııalyq jobasy men «Qaısar» áskerı-pat­rıottyq jobasy tanystyryldy. Kórip otyrǵanymyzdaı, partııa óz qyzmetimen halyqtyń aýqymdy bóligi – balalar men eresekterdi qamtýdy kózdeıdi. Bul úshin partııada barlyq qajetti resýrs bar.

Amanat  joǵary oqý oryndarynda stýdent jastarmen bel­sendi jumys istep, olardyń arasynan belsendi jastardy tartýdy kózdegen Jas Otan jastar qanatynyń qyzmetin jandandyrý mindetin qoıdy. Amanat partııasy retinde órshil jastar úshin de, azamattyq belsendiler úshin de tartymdy. Partııa transformasııa baǵdarlamasyn qolǵa alýda, sonyń ishinde Memleket basshysynyń sózimen aıtqanda, nemquraıly man­sapqorlardyń ornyna entý­zıas­­­tar keledi.  Endeshe, partııany alda qyrýar  jumys kútip tur.

Ermek TOQTAROV,

Prezıdent janyndaǵy QSZI Áleýmettik-saıası zertteýler bóliminiń basshysy