Mysalǵa, áıel kóshbasshyny tańdap, lıberaldy ıdeıalardy engizgen konservatorlardyń ózgerisin keltirýge bolady. Sondaı-aq leıborıst Tonı Bler burynǵy «Rule, Britain!» – «Basqar, Brıtanııa!» urany tıimsiz bolyp qalǵanda «Cool Britannia», ıaǵnı «Keremet Brıtanııa» dep ózgertti. Osydan keıin, 90-jyldardyń ekinshi jartysynda brıtandyq bolý keremet bolyp kórindi. Bul degenimiz jigerli, shyǵarmashyl bolýdy jáne brıtanııalyq mýzykany tyńdaýdy bildirdi. Sol sııaqty Qazaqstanda da ótken úsh onjyldyqqa kóz júgirtsek, endigi jerde Nur Otan partııasynyń ataýyn Amanat dep ózgertý arqyly transformasııalanatyn kezi keldi. Partııanyń jańa ataýy jańa brend retinde «Jańa Qazaqstannyń» baǵdaryna aınalýy kerek.
Saıasattaǵy rebrendıng birneshe jaǵdaıda júzege asyrylýy múmkin. Partııanyń baǵyty nemese halyqtyń suranysy ózgergen kezde batyl sheshimder qabyldaý qajet bolady. Sondaı-aq ıdeıasy uqsas saıası partııalar arasynan erekshelený maqsaty paıda bolýy múmkin. Odan bólek halyqtyń partııany qabyldaýyn, qoǵamdaǵy kózqarasty ózgertýdi maqsat etýi múmkin.
Halyq kez kelgen saıası ınstıtýttyń ataýy men belgisine qarap, belgili bir kózqaras qalyptastyrady. Sol arqyly qabyldaıdy. Sondyqtan kópshiliktiń oıyn, qabyldaýyn ózgertip, senimine ıe bolý úshin osyndaı mańyzdy qadam jasalady. Partııanyń tek ataýy men belgisi ózgerip qana qoımaı, sapalyq quramy da jańartylýy kerek.
Qańtar aıyndaǵy oqıǵalardan keıin halyq partııa ataýyn ózgertýdi kútti, tipti talap etti deýge bolady. О́ıtkeni Nur Otan-nyń jyldar boıy atqarǵan aýqymdy jumysyna qaramastan, jańa maqsattar men jańa adamdar qajet. О́zgeris kóp kúttirgen joq. Mysaly, partııanyń atqarýshy hatshysy bolyp Ashat Oralovtyń taǵaıyndalýynda úlken mán bar. Onyń jasy qazaqstandyqtyń ortasha jasyna sáıkes keledi. Bul qadam Prezıdenttiń quramdy jańartý men saıası ınstıtýtta jyldar boıy beleń alǵan bıýrokratııasyz jańa joldy qalyptastyrýdy kózdeıtininen habar beredi.
Sonymen qatar 1 naýryzda Amanat partııasynyń kezekten tys sezinde aıtylǵan Talqylau, «О́rleý», «Qaısar», «Áleýmet», «Partııalyq kontent-fabrıka», TazaLike sekildi jobalardyń kópshiligi jastarǵa baǵyttalǵanyn, olarǵa múmkindik ashatynyn kórýge bolady. Bul jobalardyń tartymdy tujyrymdamasyna qaramastan, olardyń óńirlerde qalaı júzege asatyny áldeqaıda mańyzdy.
Partııa qurylymynda da kóp nárse ózgeredi. Mysaly, sezde aıtylǵan sheshimderge saı, bastaýysh partııa uıymdardyń jalpy sany 4500-den tómendeıtini belgili boldy.
Qoǵam men sarapshylar bul jańalyqty, partııanyń jańǵyrýyn jaqsy qabyldaǵanyn aıta ketý kerek. О́zgeris partııanyń ataýy men belgisine ǵana emes, saıası uıymnyń qurylymyna qatysty bolatynyn ańǵardyq. «Ashyq partııa» tujyrymdamasy men Jas Otan jastar qanatynyń jańa baǵdarlamasyn kútemiz.
Bul jaǵdaıda eń mańyzdy másele, partııa jumysyn, naqty tetikterin ózgertý bolyp otyr. Qoǵam sony kútedi. Sondaı-aq saılaý aldynda berilgen ýádelerdi sapaly ári ýaqtyly oryndaýǵa erekshe nazar aýdarylýǵa tıis.
Dına AIKENOVA,
PhD, saıası keńesshi
