Birinshiden, ata-babalar amanaty. Tarıh týyn kóterip, ulan-ǵaıyr atamekenimizdi, suńǵyla salt-dástúrimizdi, tógilgen tilimizdi, taza dinimizdi amanat etken babalar aldyndaǵy amanat. Ekinshiden, úlken jaýapkershilik. Ata-babalar amanatyn osynaý ulan-ǵaıyr rýhanı baılyqty tókpeı-shashpaı keler urpaqqa usyný, olardyń jadyna sińirý jaýapkershiligi. Osy eki úlken jaýapkershilik Amanat partııasynyń ıyǵyna túsken aýyr júk bolmaq. Qazaq degen halyqtyń ótkeni men keleshegi úshin búgin kóterer júk bolmaq. Osyndaı júk kóteripti bılik partııasy. Aýyr júk. Osy júkti kótere alsa, jemqorlyq degen dertti jeńe alsa, Qazaqstan úshin «túnde uıyqtamaı, kúndiz otyrmaı» ter tóge bilse partııa Jańa Qazaqstandy qurýǵa jańa qadam jasaı alady deımiz. Olaı bolmasa, jaǵdaıy tym qıyn bolmaq. Osy qıyndyqtardy jeńip shyqqaı, degen tilek bildiremiz. Partııanyń aty ǵana emes, zaty jańarǵaı dep tileımiz!
Smaǵul ELÝBAI,
jazýshy
