Men qashanda Prezıdenttiń úndeýlerin, joldaýlaryn muqııat tyńdap, oqyp, al qabyldaǵan sheshimderin oıymda tarazylap júremin. О́ıtkeni Memleket basshysynyń sózderi, bergen tapsyrmalary elimizdiń búgini men bolashaǵyna tikeleı baılanysty.
Kúni keshe elimizdegi jetekshi partııanyń kezekten tys sezi ótip, onda birqatar másele qozǵaldy. Osy sezde saıası partııanyń aty ózgerip, ol Amanat degen mán-maǵynasy tereń ataýdy ıelendi. Bul óz kezeginde partııanyń atymen qosa zaty da ózgeretinin, tyń baǵytta, ýaqyt talabyna saı jumys isteýge betburys jasaýǵa kiriskenin bildirse kerek. О́ıtkeni neniń bolsa da atyna zaty saı bolǵany abzal ǵoı.
Halyq Amanat-tan úlken nátıje kútedi. El-jurt atalǵan partııa óziniń belsendiligin arttyra otyryp, bılik pen halyq arasyn baılanystyrýshy altyn kópir, qoǵamdyq únqatysý alańy bolǵanyn qalaıdy.
Eń aldymen kadr saıasatyn atap ótpeske bolmas. Saıası uıymnyń atqarýshy hatshysy Ashat Oralovtyń uıymdastyrýymen, Prezıdenttiń qatysýymen ótken sezde uıymnyń basshylyq quramy partııany qaıta qurý týraly usynystardy óz deńgeıinde daıyndady. Bul usynystardy Prezıdent, partııa Tóraǵasy Qasym-Jomart Toqaev ta, partııanyń joǵarǵy organy – sezde qoldady.
Biz qazir partııanyń aldynda aýqymdy mindetter turǵanyn túsinemiz. Uıym óziniń moıynyna úlken jaýapkershilik alǵanyn sezine otyryp, halyqtyń seniminen shyǵady ári batyl jáne saýatty qadamdarymen jas urpaqqa durys jol kórsetedi dep oılaımyn.
Alqaly jıynda belgili bolǵandaı, partııa janyndaǵy qoǵamdyq keńesterdiń sanyn qysqartý sheshimi de kóptiń kóńilinen shyqty. Bul kúshterdi jumyldyrý jáne jaýapkershilik aımaqtaryn bólýdi bildiredi.
О́zim eki respýblıkalyq keńestiń múshesimin. Bul bastamany tolyq qoldaımyn. Qysqartylǵan qurammen de jaqsy kórsetkishterge, nátıjelerge jetýge ábden bolady.
Bastaýysh partııa uıymdarynyń jumysyn qaıta uıymdastyrý máselesine toqtalsaq, jarnalardyń 20 paıyzy tikeleı bastaýysh uıymdarǵa qaıtarylatyn bolady, bul partııalyqtardyń jaýapkershiligi men qatysýyn, sondaı-aq jobalardy iske asyrý deńgeıin arttyrady.
Jıynda aıtylǵan usynystardyń biri – mobıldi qosymsha týraly boldy. Naqtylaı aıtqanda, Talqylau jańa dıalog alańy, sondaı-aq partııalyq baspasóz ortalyǵy halyqpen kommýnıkasııa jáne keri baılanys arnalaryn iske qosady, bul búgingi kúni birinshi kezektegi basymdyq berilýi tıis baǵyt.
Baǵdarlamanyń ındıkatorlary men bólimderin naqty partııalyqtarǵa bekitý bizge taǵy da árkimniń derbes jaýapkershiligi róliniń artýyn kórsetedi.
Birqatar jańa partııalyq joba, sondaı-aq partııanyń jastar qanatynyń jańa jobalary týraly da sóz boldy. Bul týraly aıtýǵa áli erte. О́ıtkeni jumysty bastaýǵa jáne alǵashqy nátıjelerge qol jetkizýge múmkindik berý kerek.
Baǵyttardyń ózektiligi jáne osy jobalar sheńberindegi túıtkildi máselelerdi qamtý jańa tásilderdi qajet etedi. Osy rette Prezıdenttiń qatysýymen jastar qanaty forýmynyń uıymdastyrylǵanyn kútemiz. Memleket basshysy jastar forýmyna arnaıy qatyssa degen tilek bar. Meniń oıymsha, Memleket basshysy patrıot jastardy shabyttandyryp, bolashaqqa durys baǵyt beredi.
Jalpy, partııa jumysy odan ári jandanady degen senim mol. Biz jumys isteýge, ózgerýge daıyn ekenimizdi aıtqym keledi. Bir-birimizge qoldaý kórsetip, ózara senim bildirý de mańyzdy ekenin umytpaıyq.
Aısulý ERNIIаZOVA,
«Qazaqstan eriktiler lıgasy» QQ jetekshisi
