Qazir álemdegi ahýal ózgerip jatyr. Osyndaı aýmaly-tókpeli zamanda Jańa Qazaqstan qurýǵa jumyla kirisip jatyrmyz. Halyq ózgeris kútip otyr. Partııanyń aty ózgergen soń, zaty da ózgeredi dep senip otyr. Prezıdentimiz óte durys aıtty. Partııanyń jumysy ashyq bolýy kerek, partııa músheleri halyqtyń muńyn estýi kerek, keri baılanys jasaýǵa tıis. Joǵarydan tapsyrma kútip otyratyn kún artta qaldy.
Endi saılaý kezinde halyqqa bergen ýádelerdi is júzinde iske asyratyn ýaqyt keldi. Prezıdent te berilgen ýádeler qaǵaz júzinde qalmaýy tıis ekenin atap kórsetti.
Sezde partııa jumysyn modernızasııalaýdyń jeti baǵyty ataldy. Bul partııaǵa, onyń múshelerine jańa maqsattar men naqty mindetter júkteıdi. Zaman, ýaqyt, dáýir ózgerip, talap jańarǵan sátte árqaısysymyz isimizben elimizdi damytýǵa úles qosýymyz qajet.
Qazaqstannyń Azamattyq alıansynyń qataryndaǵy 3 myń ÚEU-nyń ujymdyq eńbegi eleýli. Azamattyq qoǵam – ÚEU ǵana emes, saıası partııalar, etnomádenı birlestikter, kásipodaq uıymdary, dinı birlestikter, aqparat quraldary, azamattyq belsendiler. Biz óńirlerde ne bolyp jatqanyn, halyqty qandaı máseleler tolǵandyratynyn jaqsy bilemiz.
Búgingi tańda qoǵamda saıası jańarý týraly úlken úmit bar. Adamdar óz quqyqtaryn qorǵaýǵa bel býdy. Olar ózgeristi kútýde. Bul jaǵdaıda memlekettik organdardyń jańa ómir men syn-tegeýrinderge beıimdele bilýi erekshe mańyzdy bolyp otyr.
Belgilengen reformalardy tabysty júzege asyrý úshin azamattyq qoǵam kúsh-jigerdi biriktirýge tıis. О́zara senim negizinde qoǵam men memleketti ortaq múddege jumyldyrý óte mańyzdy.
Baný NURǴAZIEVA,
«Qazaqstannyń Azamattyq alıansy» ZTB prezıdenti
