Partııa ári qaraı qalaı jyljýy múmkin degenge kelsek, kóp dúnıe quramyndaǵy adamdarǵa baılanysty. Onyń ústine bul bılik partııasy bolyp esepteledi.
Partııa quramy qazirgiden de jańara túsedi dep úmittenemiz. Onsyz da osynyń aldyndaǵy sezde aıtarlyqtaı jańarǵanyn bilemiz. Partııa organynyń basqarý quramyna basqa adamdar endi degendeı. Burynǵylardyń bir bóligi quramnan shyǵaryldy da. Osy turǵydan alsaq, qandaı da bir qozǵalystyń bar ekeni anyq baıqalady. Onyń ishinde kadrlyq turǵydan da, partııa saıasaty turǵysynan da qozǵalys bar dep aıta
alamyz.
Endi ne bolady desek, bul Prezıdenttiń naýryz aıynyń ortasynda eldiń saıası damý joly týraly ne aıtatynyna, qandaı máselelerdi kún tártibine shyǵaratynyna qatysty. Naqtylaı aıtqanda, kóp másele Qasym-Jomart Toqaevtyń Memleket basshysy retinde eldiń saıası damýyn qalaı kóretinine, kózqarasy qalaı bolatynyna tikeleı baılanysty. Osy máselege jaýap izdegen kezde partııanyń qalaı alǵa jyljıtyny týraly naqtyraq boljam aıtýǵa bolady.
Ázirge Prezıdent osy partııanyń basshysy bolǵandyqtan, Amanat partııasynyń alǵa jasaıtyn qadamy da sol kezde aıtylatyn máselelerge negizdeledi dep oılaımyn. Prezıdent osy joly jańa saıası usynystar aıtady dep topshylap otyrmyn. Partııa osy reformalar aıasyndaǵy nusqaýlarmen, sheshimdermen qarýlanyp, ekinshi tynysy ashylady dep esepteımin.
Marat SÁRSEMBAEV,
BUU Adam quqyqtary jónindegi komıtetiniń burynǵy múshesi,
zań ǵylymdarynyń doktory,
professor
