«Qurmetti hanymdar!
Barshańyzdy Halyqaralyq áıelder kúnimen shyn júrekten quttyqtaımyn!
Qazaq – ejelden anany qadirlegen, qyz balasyna erekshe qurmetpen qaraǵan halyq. Otan-Ana, Jer-Ana, Ana tili dep, ózimiz úshin eń qymbat, eń asyl qundylyqtardy anamen baılanystyrýymyz sonyń aıǵaǵy. О́ıtkeni, ana – úıdiń berekesin arttyryp, shańyraqqa jylý syılaıtyn eń aıaýly jan. Olar tek otbasynyń ǵana emes, tutas ulttyń uıytqysy.
Qazirgi tańda elimizde áıelder qaýymynyń memleket jáne qoǵam ómirinde alatyn orny erekshe. Sizder barlyq mańyzdy salada nátıjeli eńbek etip, eldiktiń júgin er azamattarmen birdeı arqalap kelesizder. Shyn máninde, arýlarymyzdyń aqyl-parasaty men erik-jigeri jurtty árdaıym alǵa jeteleıdi.
Búginde elimiz damýdyń jańa kezeńine qadam basyp otyr. Memleket basshysynyń bastamasymen «Jańa Qazaqstan» qurýdy qolǵa aldyq. Osyndaı asa mańyzdy kezeńde de názik jandarymyz belsendilik tanytyp, el úshin eseli eńbek etetinine eshqandaı kúmánimiz joq.
Prezıdentimiz atap ótkendeı, aldaǵy ýaqytta memleket tarapynan áıelderdiń quqyǵyn qorǵaý, olarǵa óz múmkindikterin tolyq paıdalaný úshin tıisti jaǵdaı jasaý, kóp balaly analarǵa qoldaý kórsetý sııaqty jumystar jalǵasa beredi. Bul baǵyt – elimiz úshin qashanda mańyzdy basymdyqtardyń biri.
Búgingi meırammen quttyqtaı otyryp, barshańyzǵa zor densaýlyq, qut-bereke, shattyq pen baqyt jáne tolaıym tabys tileımin! Mereke qutty bolsyn» dep jazdy Máýlen Áshimbaev.
