Energyprom zertteýshileriniń málimetteri boıynsha, óńirlik bóliniste ónimniń basym bóligi dástúrli túrde Almaty oblysyna tıesili.
Kóshbasshylar úshtigine Túrkistan jáne Aqmola oblystary da kirdi.
«2021 jylǵy qańtar-jeltoqsanda mal sharýashylyǵy ónimderiniń jalpy shyǵarylymy 3,1 trln teńgeni qurady – bir jyl burynǵyǵa qaraǵanda naqty mánde 3,6%-ǵa artyq», delingen zertteýde.
2022 jyldyń 1 aqpanyna qaraı elimizde jylqy sany bir jylda 11,3%-ǵa, 3,4 mln basqa deıin, qus - 9,2%-ǵa, 47,3 mln basqa deıin, túıe - 7,5%-ǵa, 241,5 myń basqa deıin, qoı - 4,5%-ǵa, 18,5 mln basqa deıin, IQM-3,9%-ǵa, 8,3 mln basqa deıin ósti, onyń ishinde sıyr sany - 5,4%-ǵa, 4,2 mln basqa deıin artty.
Shoshqa basy 2,6%-ǵa, 823,3 myń basqa deıin, sondaı-aq eshki basy 1,2%-ǵa, 2,3 mln basqa deıin qysqardy.
Jalpy, mal sharýashylyǵy salasyndaǵy óndiris oń nátıje berýde.
Osylaısha, 2022 jyldyń qańtarynda taýyq jumyrtqasynyń óndirisi aıtarlyqtaı ósti - jylyna birden 18,4%-ǵa, 369,7 mln danaǵa deıin.
Qazaqstan boıynsha bólshek saýda núktelerinde et pen qus etiniń baǵasy 2022 jylǵy qańtar aıynyń qorytyndysy boıynsha bir jylda 11,3%-ǵa ósti.
«Onyń ishinde qoı eti – 15,4%-ǵa, jylqy eti – 11,8%-ǵa, shoshqa eti - 10,2%-ǵa, sıyr eti - 8,3%-ǵa qymbattady. Pisirilgen shujyqtyń quny 7,2%-ǵa, jartylaı ystalǵan shujyqtyń quny 9,1%-ǵa ósti», delingen zertteýde.
QR dúkenderi men bazarlarynda sıyr etiniń ortasha baǵasy kg úshin 2,2 myń teńgeni, qoı etine - 2,4 myń teńgeni, shoshqa etine - 1,9 myń teńgeni, jylqy etine - 2,6 myń teńgeni qurady. Pisirilgen shujyq bir kg úshin orta eseppen 2,2 myń teńge, jartylaı ystalǵan shujyq - 2,6 myń teńge turady.
