Semeı fýtbol mektebi túleginiń esimi qazaqstandyq jankúıerlerge jaqsy tanys. Ol ulttyq quramada eń kóp match (55) ótkizgen oıynshylardyń bestigine kiredi. Birneshe ret ulttyq quramany kapıtan retinde alańǵa bastap shyqqan bolatyn. 41 jastaǵy jerlesimiz óziniń klýbtyq mansabynda «Elim-aı», «Ertis», «Qaırat», «Lokomotıv», «Ordabasy», «Shahter», «Atyraý», «Altaı», sondaı-aq reseılik «Rostselmash» jáne máskeýlik «Dınamo» komandalarynda oınady.
Karpovıch bapkerlik mansabyn «Qaırat» klýbynyń júıesinde bastap, odan keıin eki jyl Kókshetaýdyń «Oqjetpesin» jattyqtyrdy. Al 2021 jyldyń basynan bastap Petropavldyń «Qyzyljaryn» jattyqtyryp keledi. El chempıonatynyń byltyrǵy maýsymynda «Qyzyljar» týrnır kestesinde 4-orynǵa taban tirep, Eýrokýbok joldamasyn jeńip alǵan edi.
Ulttyq quramanyń jańa bas bapkeri úshin alǵashqy synaq 24 naýryzda Moldova quramasyna qarsy oıynda bolady.
