«11 naýryzda Aqmola oblysynyń ońtústiginde soltústik-shyǵystan 15-20 m/s jel turady.
Sonymen qatar, juma kúni Qaraǵandy oblysynyń batysy men ońtústiginde tuman, kóktaıǵaq kútiledi. Shyǵys pen soltústik-shyǵystan jel soǵady, oblystyń batysy men ońtústiginde jeldiń ekpini 15-20 m/s jetedi.
Qyzylorda oblysynyń ortalyǵynda tuman túsedi. Soltústik-shyǵystan, soltústikten túnde jáne tańerteń soltústikte, oblys ortalyǵynda jel 15-20 m/s jetedi.
Batys Qazaqstan oblysynyń soltústiginde jáne Oralda tuman, kóktaıǵaq kútiledi. Shyǵys, soltústik-shyǵystan jel soǵady, oblystyń soltústik-shyǵysynda ekpini 15-20 m/s jetedi», delingen «Qazgıdromet» RMK habarlamasynda.
Sondaı-aq, 11 naýryzda túnde Aqtóbe oblysynyń batysynda, ońtústiginde, kúndiz soltústik-batysynda, batysynda boran soǵady. Túnde oblystyń ońtústiginde kóktaıǵaq bolady. Shyǵys, soltústik-shyǵystan soǵatyn jel ortalyqta, oblystyń soltústiginde 15-20 m/s jetedi.
Almaty oblysy TJD málimetinshe, 11-13 naýryzda Almaty oblysynyń Jetisý jáne Ile Alataýy taýlarynda qatty jaýyn-shashyn (jańbyr, qar, tuman, kóktaıǵaq) kútiledi.
