Onyń aıtýynsha, oqıǵa saldarynan barlyǵy 230 adam qaza tapqan, olardyń ishinde 19 áskerı jáne qaýipsizdik kúshteriniń qyzmetkerleri.
«Almatynyń ózinde 139 adam qaza tapty. Búgingi kúni ákimshilik ǵımarattardyń shabýyldaryna toıtarys berý kezinde jáne quqyq tártibin ornatý barysynda 86 shabýyldaýshy joıylǵany anyqtaldy. 53 adam boıynsha ólimniń mán-jaıy anyqtalýda. Olar qala aýmaǵynda ártúrli jaraqattarmen, sonyń ishinde 48 - atys, 2 - pyshaq, 3 - basqa jaraqattarmen jáne kúıiktermen tabyldy», dep túsindirdi QR Bas prokýrory Berik Asylov.
Onyń aıtýynsha, basqa jeti óńirde 63 shabýyldaýshy ákimdik, polısııa jáne UQK Departamentiniń ǵımarattaryn qorǵaý kezinde quqyq qorǵaý kúshterimen joıyldy.
«Búgingi tańda biz kezdeısoq atysqa túsken 20 azamattyń qaıtys bolǵany týraly naqty bilemiz. Onyń 11-i Almaty qalasynda, 8-i Almaty oblysynda jáne 1-ýi Tarazda. Olardyń ishinde aıqas ottyń astyna túskender, lańkesterdiń qolynan qaza tapqandar, sondaı-aq blok-beketterde áskerı talaptarǵa baǵynbaǵandar da bar», dep qosty Berik Asylov.
