«Eleýli zaqymdardy eskere otyryp, Almaty ákimdigi men «Qazaqstan» TRK ǵımarattaryn rekonstrýksııalaý 2022 jyldyń qazan aıynda aıaqtalady dep josparlanýda», dedi Roman Sklıar.
Onyń aıtýynsha, tártipsizdik barysynda 1 630 ShOB sýbektisiniń múlki zardap shegip, keltirilgen shyǵyn somasy 38,6 mlrd teńgeni qurady. Tıisti tólemder Úkimettiń rezervinen, sondaı-aq jeke qorlardan tólenedi.
11 naýryzdaǵy jaǵdaı boıynsha óńirlik komıssııalar 1 630-dan 1 192 ótinimdi maquldady. Qalǵan kásipkerler baǵalaý rásimderi aıaqtalǵannan keıin ótem alady.
Sonymen qatar barlyq ShOB sýbektilerine qoldaý kórsetildi:
- memlekettik múlikti jaldaý aqysynan bosatý;
- jeke jáne zańdy tulǵalardyń qaryzdary boıynsha tólemderdi keıinge qaldyrýdy usyný;
- qaryz alýshylar boıynsha talap-aryz jumystaryn jáne merzimi ótken bereshekti óteý qajettiligi týraly qaryz alýshynyń habarlamalaryn toqtata turý;
- salyqtar men tólemderdi tóleý merzimderiniń ózgerýi;
- Memlekettik kiris organdary bastaǵan jáne bastamashylyq jasaǵan salyqtyq jáne kedendik tekserýlerdi toqtata turý jáne kameraldyq baqylaý boıynsha habarlamalardy usynbaý.
