TopIQ.kz elektrondy kitaptarynyń digital ustazdar men oqýshylar arasynda tanymaldylyǵy artyp keledi. Mektep oqýshylaryna qolaıly bolýy úshin «Almatykitap» baspasy elimizde alǵash ret úsh baspanyń 86 elektrondy kitabyn bir platformaǵa jınaqtady. Bul joba «Sıfrly Qazaqstan» baǵdarlamasy sheńberinde baspa qarajaty esebinen atqaryldy. Biz buǵan deıin de TopIQ.kz tuǵyrnamasy el óńirlerinde synaqtan ótkizilip jatqany týraly baıandaǵanbyz. Sońǵy eki jyl kóleminde, ıaǵnı 2020 – 2022 oqý jyldary respýblıka aımaqtaryndaǵy aprobasııa sátti aıaqtalyp, osy aralyqta 2 mln-nan asa qoldanýshy tuǵyrnamany qoldanyp kórdi.
«Bizdiń tuǵyrnamamyz ózine memlekettik bilim baǵdarlamasy aıasyndaǵy biregeı ınteraktıvti jáne mýltımedııaly materıaldardy kiriktiredi. Elektrondy kitaptar tek synyp qabyrǵasynda ǵana emes, oqýshymen jeke nemese toppen birge jumys isteýge múmkindik beredi. Elektrondy kitap ekskýrsııada, jolda, sporttyq jıyndarda qoldanýǵa ıkemdi, oqýshyǵa yńǵaıly jáne jeńil. Sonymen qatar, TopIQ.kz tuǵyrnamasyn kez kelgen ýaqytta, kez kelgen qurylǵyda, qolaıly jyldamdyqpen qoldanýǵa bolady», deıdi «Almatykitap» baspasynyń basshysy Eleonora Batalova.
Kitaptyń ártúrli úlgileri men materıaldardyń alýandyǵyna oraı, «Almatykitap» baspasynyń elektrondy kitaptaryn saraptaý maqsatynda tuǵyrnamada eki jylyn ótkergen ustazdardyń kópshiligi oqýshylardyń sabaq úlgerimderinde ilgerileý bar ekenin, jańa býyn úshin bul asa mańyzdy ekenin aıtyp otyr.
Tuǵyrnamanyń tusaýkeser rásimin Digital Ustaz Almaty 2021 baıqaýynyń jeńimpazy, tarıh pániniń muǵalimi Saǵynǵalı Qalıev atqardy.
Tusaýkeser kezinde optıkalyq golografııa qoldanǵan Saǵynǵalı Qalıev: «Qazirgi ustazdyń mindeti – oqýshylardyń mıdy ashytatyn, tym kóp ári túsiniksizdeý, asa qajetsiz derekterdi qabyldaýǵa májbúrleý emes, jańa bilimdi taldaý jáne taba bilý. Bul jańa tásil sıfrly pedagogıkamen tyǵyz baılanysta. Sıfrly pedagogıka degenimiz – 40 mınýt boıy zoom arqyly sóılep turǵan muǵalim men tapsyrmalardy whatsApp arqyly jiberý emes. Sıfrly pedagogıka – bul ınteraktıvti oqytý, ıaǵnı oqýshynyń sabaq boıy únsiz otyryp tyńdaýy emes, kerisinshe ustazben, synyptastarmen, sandyq kitappen, sandyq tehnologııalarmen ózara baılanysta bolýy. Qazirgi tańda «Almatykitap» baspasy men onyń Pearson Education, Cambridge, Oxford University Press áriptesteri osy ispen aınalysyp otyr», dedi.
«Geografııa» kitabynyń avtory, professor Rýslan Qaratabanov júıeli bilim men sandyq ortanyń yqpaldasýyn, oqytýdyń dástúrli jáne ınnovasııalyq ádisteriniń sımbıozyn, balalarǵa arnalǵan múmkindikpen birge óziniń menshikti klassıkalyq kontentiniń retti ári parasatty úılesimin qurýdy qoldaıtynyn bildire kele: «Sandyq ortada bilimdik tuǵyrnamalardy ázirleý «aqyldy» tehnologııalardy jaı ǵana oqytýdyń jáne kommýnıkasııanyń quralyna emes, ádettegi áleýmettik tájirıbege aınaldyrǵan urpaqqa baǵyttalýǵa tıis. Jergilikti sandyq urpaqqa arnalǵan shynaıy, tolyqtyrylǵan, vırtýaldy, tartymdy bilim ortasyn qurý mańyzdyraq. Osy saýaldardyń qazirgi utymdy sheshimi TopIQ bilim tuǵyrnamasy bolyp otyr.
TopIQ elektrondy kitaptar tuǵyrnamasy balalarǵa ne beredi degen saýalǵa professor Rýslan Qaratabanov: «Birinshiden, oqýǵa ınklıýzıvti kelýi, ıaǵnı kitaptarǵa bári birdeı qol jetkize alady, barlyq kommýnıkasııalyq elektrondy qurylǵylarǵa tikeleı jeli tegin. Tirkelýdiń, qupııasózdi este saqtaýdyń, júkteýdiń qajeti joq. Ekinshiden, densaýlyqty saqtaý – mekteptiń ınternet jelisi men oryndy AKT saıasatynda barlyq kitaptardy kóterip júrý qajet emes», degen pikirin ortaǵa saldy.
Sonymen qatar professor ustazdarǵa tuǵyrnama aralas oqytýdyń (Blended Learning) talabyna ıaǵnı oqytýdyń ınteraktıvti ádistemesin ári qaraı qoldaný úshin, materıaldyń bir bóligin qandaı da bir taqyrypqa deıin tikeleı jelimen oqytýda jaýap beretinin eskertti. Álbette, tuǵyrnama oqýshylardyń ǵana emes, ustazdardyń da AKT-daǵdylaryn damytýdy qarastyrǵan. Mańyzdy bóligi – tuǵyrnama bir-birine keri baılanys jasaýǵa múmkindik beredi. Al jalpy qoǵamǵa – TJ, pandemııa jaǵdaıynda qaýipsizdikti qamtamasyz ete alady.
«Negizinde, kóp el osyndaı platformalardyń ózderinde bolýyna múddelilik tanytyp, baryn salyp otyr. Al bizde bul tuǵyrnama barynsha jaqsy jasaldy. Kópshilik sandyq tehnologııalardy keleshek ýaqytpen aıtqandy unatady. Alaıda ol bolashaq týraly emes. Ol – búgin jaıly! Qazaqstannyń barlyq mektepteriniń sandyq ustazdary, birigińder!» deıdi professor.
Qoryta aıtqanda, sıfrly pedagogıkamen sabaqtaryn ótkizetin Digital Ustaz Almaty 2021 fınalısteri Almatyda toǵysyp, tehnologııalardy jaqyndatyp, shákirtterin oqýǵa yntalandyrýǵa septesetin Teachers Lab tuǵyrnamasymen tolyq tanysty. Zamanaýı ustazdar oqytý balalarǵa qyzyqty ári paıdaly bolýy úshin ári qaraı osyndaı jańa servısterdi meńgeredi. «Tehnologııalardy jaqyndatyp, oqýshylarǵa ynta berý!» urany aldaǵy ýaqytta Almatynyń árbir mektebinde aıtylady. Almaty qalasynyń ákimdigi men EdCrunch Academy zamanaýı bilim berýdi damytý ınstıtýty uıymdastyrǵan Digital Ustaz Almaty 2022 baıqaýy jaqyn kúnderde bastalady.
ALMATY
