Jańa termınaldarda tirkeý aımaqtary keńeıtiledi

Osy jáne basqa da máse­le­ler Indýstrııa jáne ınfra­qu­ry­lym­dyq damý mınıstri Qaıyr­bek О́skenbaevtyń tapsyr­masy bo­­ıyn­sha ótken ke­ńes­te talqylandy. Kezdesýge Aza­­mattyq avıasııa ko­mı­tetiniń qyz­metkerleri, Qazaq­stan­nyń avıa­­sııalyq ákimshiligi jáne qa­zaqstandyq avıakompanııalar men áýejaılardyń ókilderi qatysty.

Sonymen birge áýejaılardaǵy servısti jaqsartýǵa baǵyttalǵan jobalar qaraldy. Osylaısha, jo­laýshylarǵa arnalǵan jańa ter­mınaldarda tirkeý aımaqtary keńeıtilip, jolaýshylardy tir­keý jáne bagajdy óńdeý bo­ıyn­­sha jańa tehnologııalyq she­­­shimder júzege asyrylady dep jos­­parlanyp otyr. Búgingi tań­da Almaty jáne Shymkent qala­larynyń áýejaılarynda jańa termınaldyń qurylysy boıynsha josparly jumystar júrgizilýde.

Azamattardyń qaýipsizdigin qamtamasyz etý jáne múmkindigi shekteýli jolaýshylarǵa qyz­met kórsetý máselelerine erekshe na­zar aýdaryldy. Múm­­kindigi shekteýli jolaý­shy­lardyń ke­dergisiz jú­rip-turýy úshin áýe­jaılar men avıakom­panııa­larǵa arnaıy kres­lolardyń, avtokólik pen tasymaldaý tetik­teriniń bolýy sııaq­ty qajet­ti qyzmetterdi sapaly ári ýaq­tyly kórsetý tapsyryldy.

Bıyl avıakompanııalarǵa áýe tasymaly boıynsha shekteý qoıylǵan adamdardyń jeke tizi­limin júrgizýge múmkindik be­retin norma qoldanysqa en­gi­zilip jatyr. Tizimge bortta, áýe kemesiniń ushyp kóterilýi men qonýy kezinde quqyq buzýshylyq jasaǵan azamattar olardyń kinási dáleldengen jaǵdaıda engiziledi.

Aıta keterligi, 2021 jyly is­ke asyrylǵan mańyzdy joba­lardyń biri «Sıfrlyq qujat­tar» baǵdarlamasy bolyp tabylady. Joba jolaýshylarǵa elektrondy jeke kýálikti paı­­­dalanýǵa múmkin­dik berdi. «Nursultan Nazarbaev halyq­aralyq áýejaıy» AQ bala­lar aýtızmi, Asperger sındromy jáne atıpti aýtızm aýrýy­men aýy­ratyn adamdar úshin áleý­met­tik mańyzy bar jobany sátti júze­ge asyryp keledi. Olar úshin sáıkes­tendirý taspasy jasalyp, nátı­jesinde tirkeý, tekserý jáne basqa da qyzmet túrlerin kórsetýge múm­kindik berildi.