«15 naýryzda saǵat 22:30-da Atyraý ÝP-ǵa «Avangard» shaǵyn aýdanynda ornalasqan sońǵy aıaldamada oq atylǵany týraly habarlama kelip tústi. Oqıǵa ornynda «Reno Duster» markaly avtokóligi tabyldy, Kólik ishinde 2 máıit jatqan. Polısııa atys bolǵan jerge kelgenge deıin oq jaraqatyn alǵan bir adam jedel járdem qyzmetkerlerimen oblystyq aýrýhananyń jansaqtaý bólimine jatqyzylǵany belgili boldy. Dárigerlerdiń aıtýynsha, zardap shegýshi komada jatyr, jaǵdaıy aýyr. Oqıǵa ornynda jedel-tergeý toby, sondaı-aq oblys prokýrorynyń orynbasary A.Ǵylym, Atyraý qalasynyń prokýrory A.Taıtýllın jumys isteýde. Kisi óltirý faktisi boıynsha Atyraý oblystyq polısııa departamenti QK-niń 99 - babynyń 2-bóligi boıynsha sotqa deıingi tergeýdi bastady. Qylmysty ashýǵa baǵyttalǵan qajetti jedel-tergeý is-sharalary júrgizilýde», dep habarlady oblystyq polısııa departamentiniń baspasóz qyzmeti.
Oq atqan kúdikti oqıǵa ornynan izin sýytyp úlgerdi.
«Polısııa qyzmetkerleri Mańǵystaý oblysynyń 1993 jyly týǵan turǵynyn qolǵa túsirdi. Onyń aıtýynsha, atys azamattar arasynda týyndaǵan kelispeýshilikten bolǵan. Qazir kúdikti ýaqytsha ustaý ızolıatoryna qamaldy», dep habarlady oblystyń polısııa departamentiniń baspasóz qyzmeti.
