«Senattyń Májilis qabyldaǵan zańdardy tek maquldaý nemese maquldamaý quqyǵyn kózdeıtin norma engizgen durys dep sanaımyn. Bul Májiliske zańdar qabyldaý quqyǵy beriletinin bildiredi. Sondaı-aq, Parlament respýblıkalyq bıýdjettiń sapaly oryndalýyna baqylaýdy kúsheıtýi qajet. Osy oraıda, Esep komıtetiniń ornyna Joǵary aýdıtorlyq palata qurýdy usynamyn. Azamattardyń ókildi bılikke degen senimin nyǵaıtý úshin máslıhattarǵa basa mán bergen jón. Olardyń rólin arttyryp, derbestigin qamtamasyz etý úshin Máslıhat tóraǵasy laýazymyn engizgen jón. Sondaı-aq, máslıhattardyń yqpalyn barynsha kúsheıtý úshin oblys ákimderin taǵaıyndaý tártibin ózgertý qajet dep sanaımyn», dedi Prezıdent Qazaqstan halqyna arnaǵan Joldaýynda.
