Prezıdent Qaraǵandy oblysynyń ákimi Jeńis Qasymbekti, Shyǵys Qazaqstan oblysynyń ákimi Danıal Ahmetovti, Almaty oblysynyń ákimi Qanat Bozymbaevty, Jambyl oblysynyń ákimi Berdibek Saparbaevty, Shymkent qalasynyń ákimi Murat Áıtenovti, Qostanaı oblysynyń ákimi Arhımed Muhambetovti, Aqtóbe oblysynyń ákimi Ońdasyn Orazalındi jáne Aqmola oblysynyń ákimi Ermek Marjyqpaevty qabyldady.
Memleket basshysyna aımaqtarda byltyrǵy atqarylǵan jumystar men 2022 jyldyń alǵashqy eki aıyndaǵy damý kórsetkishteri týraly baıandaldy. Ákimder atalǵan oblystarǵa jáne Shymkent qalasyna qatysty Memleket basshysynyń bergen tapsyrmalarynyń oryndalý barysy jóninde málimet berdi.
Prezıdent halyqpen jıi kezdesýdiń, qoǵamdyq qabyldaýlardy turaqty ótkizýdiń mańyzdylyǵyn atap ótip, óńirlerdiń basshylaryna turǵyndardy mazalaǵan máselelerdi ýaqtyly sheshý qajet ekenin aıtty.
Qasym-Jomart Toqaev kóktemgi egis naýqanyna daıyndyq jumystaryn kúsheıtýdi jáne óńirlerde júzege asyrylyp jatqan jobalardy jalǵastyrýdy tapsyrdy.
