Joldaýda prezıdenttik basqarý nysanyn odan ári jańǵyrtý, Parlament pen jergilikti ókildi organdardyń rólin kúsheıtý, saılaý zańnamasyn, partııalyq jáne quqyq qorǵaý júıelerin, ákimshilik-aýmaqtyq qurylymdy jáne basqalardy jetildirý boıynsha pármendi sharalar usynyldy.
Ásirese Prezıdenttiń Konstıtýsııalyq baqylaý organyna azamattardyń, sondaı-aq basqa sýbektilerdiń ótinish berýine jol ashyp, Konstıtýsııalyq Keńesti Konstıtýsııalyq sotqa aınaldyrý bastamasyn erekshe atap ótkim keledi.
Konstıtýsııalyq baqylaý organdary Ata Zańnyń talaptaryn júzege asyrýda mańyzdy ról atqarady. Bul negizinen resmı túsindirme berý, konstıtýsııalyq-quqyqtyq daýlar boıynsha qorytyndylar berý, zańnamanyń konstıtýsııalylyǵyn tekserý arqyly jasalady.
1995 jyly Konstıtýsııa qabyldanǵannan keıin qurylǵan Konstıtýsııalyq Keńes quqyqtyq memleket qaǵıdattaryn bekitý isine laıyqty úles qosty. Alaıda zaman aǵymy jańa talaptar qoıyp otyr. Konstıtýsııalyq reformalar praktıkasynyń sońǵy onjyldyǵy konstıtýsııalyq quqyqtaryn qorǵaý maqsatynda azamattardyń konstıtýsııalyq baqylaýǵa qol jetkizýin keńeıtý úrdisin baıqatady.
Halyqaralyq quqyq qorǵaý qurylymdary men kóptegen memleket azamattardyń tikeleı konstıtýsııalyq shaǵymyn engizýge basymdyq beredi. Sońǵy ýaqytta bul Túrkııada (2011), Majarstanda (2012), Ýkraınada (2016), Lıtvada (2019), Qyrǵyzstanda (2021), О́zbekstanda (2021), Belarýste (2022) jáne basqa elderde júzege asyryldy. Álemdik tájirıbeni eskere otyryp, biz buǵan deıin osyndaı usynystar engizgen edik. Endi, mine, olar Memleket basshysynyń qoldaýyna ıe boldy.
Memleket basshysynyń atalǵan ıdeıalaryn iske asyrý quqyqtyq júıeni damytýǵa, azamattardyń konstıtýsııalyq quqyqtaryn qorǵaý kepildikterin jáne eldegi zańdylyq rejimin nyǵaıtýǵa, halyqtyń memlekettik ınstıtýttarǵa senimin arttyrýǵa yqpal etetin bolady.
Qaırat MÁMI,
Qazaqstan Respýblıkasy Konstıtýsııalyq Keńesiniń Tóraǵasy
