Jalǵan tranzıt pen ımportty joıýǵa kómektesedi

Osyǵan deıin, 2021 jylǵy 10 jeltoqsanda Eýra­zııa­lyq ekonomıkalyq odaqqa múshe memleketterdiń basshylary Eýrazııalyq ekonomıkalyq odaqta tasymaldardy qadaǵalaý úshin navıgasııalyq plombalardy qoldaný týraly kelisimdi maquldaǵan bolatyn.

Osy kelisim boıynsha jumys 2017 jyldan bastap EAEO elderi sarapshylarynyń jáne Eýrazııalyq ekonomıkalyq komıssııa qyzmetkerleriniń qatysýymen júrgizildi. Jalpy, kelisim navıgasııalyq plombalardy qoldana otyryp, taýarlardy EAEO-ǵa múshe eki jáne odan da kóp memleketterdiń aýmaqtary boıynsha ótkizý kezinde olardy qadaǵalaý múmkindigin kózdeıdi.

Qazirgi ýaqytta Memleket basshylarynyń kelisim mátinine tikeleı qol qoıý rásimi ótýde. Kelisimge barlyq elder qol qoıǵannan keıin Eýrazııalyq ekonomıkalyq komıssııa Odaqqa múshe memleketterge ratıfıkasııalaýdy júrgizýdi bastaý múmkindigi týraly habarlama jiberetin bolady.

Bul rette Qazaqstan Respýblıkasynda ratıfıkasııalaý týraly Zańmen bir mezgilde ulttyq zańnamany kelisim normalaryna sáıkes keltirýge baǵyttalǵan zań jobasy pysyqtalatyn bolady.

Budan basqa, kelisimdi iske asyrý úshin EEK-tiń 28 sheshimin ázirleý talap etiledi, olar kelisim kúshine engennen keıin 180 kúnnen keshiktirilmeı qabyldanýy tıis.

Bul rette kóliktiń ereksheligin eskere otyryp, taýarlardyń sanatyna baılanysty ótpeli kezeńder kózdelgen. Bul tasymaldaýdyń árbir kezeńin qadaǵalaı otyryp, navıgasııalyq plombalardy qoldaný prosesiniń tıimdiligin jetildirýge múmkindik beredi.

Bıznes úshin osy kelisimniń artyqshylyqtary EAEO keńistiginde óz taýarlarynyń qaýipsiz tranzıti múmkindiginde, EAEO baqylaýshy organdary tarapynan baqylaýdyń qosymsha nysandary men sharalaryn alyp tastaýda bolyp otyr. Iаǵnı eger plomba salynǵan bolsa, onda EAEO-nyń árbir memleketinde taýardy, al keıbireýlerinde bir marshrýt úshin birneshe retten tek­serýdiń qajeti joq. Mundaı jaǵdaılar shyǵyndardy aı­tarlyqtaı tómendetedi jáne jalpy bıznes úshin qo­sym­sha ákimshilik kedergilerdi alyp tastaýǵa yqpal etedi.

Memleket osy kelisimnen halyqaralyq tasymal­dar­dyń aıqyndyǵyn, «jalǵan tranzıtti» jáne «jalǵan ımportty» joıýdy jáne tıisinshe qazynaǵa aqsha túsimderiniń ulǵaıýyn alady.